బాక్సాఫీస్ రికార్డులన్నీ తిరగరాసిన కూలి..2025లొ అత్యధిక వసూళ్లు చేసిన మూవీగా హిస్టరీ క్రియేట్

తమిళ సినీ పరిశ్రమలో ఒకే వారం రోజుల్లోనే కూలీ సినిమా చరిత్రను కొత్తగా తిరగరాసింది. రజనీకాంత్ హీరోగా నటించిన ఈ యాక్షన్ థ్రిల్లర్ 2025లో ఇండస్ట్రీలో అత్యధిక వసూళ్లు సాధించిన చిత్రంగా రికార్డులు సృష్టించింది. మొదటి రోజు నుంచే కలెక్షన్ల వర్షం కురిపించిన ఈ సినిమా.. ఏడో రోజు ముగిసే సరికి రూ.222 కోట్ల మార్కును దాటేసింది.

ఆగస్టు 14న విడుదలైన రజినీకాంత్ కూలీ మొదటి రోజే రూ.65 కోట్లు వసూలు చేసి ట్రేడ్ వర్గాలను ఆశ్చర్యపరిచింది. ఆ తరువాత రోజుల్లో వసూళ్లలో అదే బలమైన ఊపు కొనసాగింది. అయితే, వారం గడుస్తున్న Coolie కొద్దీ కలెక్షన్లలో స్వల్ప తగ్గుదల కనిపించినా.. మొత్తానికి రజనీకాంత్ స్టామినాతో సినిమా ఇండస్ట్రీ రికార్డులను బద్దలు కొట్టింది. బుధవారం.. అంటే విడుదలైన ఏడో రోజున కూలీ దాదాపు రూ.6.5 కోట్లు కలెక్షన్ వసూలు చేసింది. దీంతో ఇప్పటివరకు ఈ సినిమా రూ.222.5 కోట్లు (నెట్) వసూలు చేసిందని ట్రేడ్ వర్గాలు వెల్లడించాయి.

ఆరవ రోజు (మంగళవారం) భాషలవారీగా వసూళ్లు వివరాలు

తమిళం: రూ.5.65 కోట్లు
హిందీ: రూ.2 కోట్లు
తెలుగు: రూ.1.75 కోట్లు
కన్నడ: రూ.10 లక్షలు

ఈ సంఖ్యలు చూస్తే కూలీ కేవలం తమిళనాటే కాకుండా పాన్-ఇండియా స్థాయిలోనూ భారీ ఆదరణ పొందుతోందని తెలుస్తోంది. తమిళనాట మొత్తం 20.97% ఆక్యుపెన్సీ నమోదు చేసింది ఈ సినిమా. ఉదయం షోలు 15.5 శాతం, మధ్యాహ్నం 19.3 శాతం, సాయంత్రం 23.91 శాతం, రాత్రి 25.1 శాతం ఆక్యుపెన్సీతో సినిమా బలమైన ఫుట్‌ఫాల్స్ సాధించింది. హిందీలో మాత్రం 11.69 శాతం ఆక్యుపెన్సీ మాత్రమే ఉన్నప్పటికీ.. బెంగళూరు, హైదరాబాద్, లక్నో వంటి నగరాల్లో 20 శాతం వరకు థియేటర్లు నిండాయి.

భారతదేశంలో ఇప్పటివరకు రూ.255.4 కోట్లు వసూలు చేసిన కూలీ..ఓవర్సీస్‌లో రూ.162.2 కోట్లు వసూలు చేసింది. దీంతో మొత్తం కలిపి ఈ సినిమా ప్రపంచవ్యాప్తంగా రూ.418 కోట్ల మార్కును దాటేసింది. సినీ విమర్శకుడు, ట్రేడ్ అనలిస్ట్ సుమిత్ కాడెల్ ప్రకారం కూలీ కేవలం మూడు రోజుల్లోనే రూ. 300 కోట్ల గ్రాస్ వసూలు చేసి తమిళ సినిమా చరిత్రలోనే వేగంగా ఆ రికార్డును సాధించిన చిత్రంగా నిలిచింది. "ఈ సినిమా బ్లాక్‌బస్టర్ హోదా సాధించే దిశగా దూసుకుపోతోందని ఆయన సోషల్ మీడియాలో పోస్ట్ చేశారు.

సినిమా కలెక్షన్లు వారం చివర్లో కొంచెం మందగించినా.. రజనీకాంత్ సినిమాకు అభిమానుల క్రేజ్, పండగ వాతావరణం, పాజిటివ్ టాక్ కలిసి కూలీ ను 2025లో అత్యధిక వసూళ్లు సాధించిన తమిళ సినిమాగా నిలబెట్టాయి. రాబోయే రోజుల్లో వసూళ్లు తిరిగి ఊపందుకునే అవకాశం ఉందని ట్రేడ్ వర్గాలు భావిస్తున్నాయి. ఏదేమైనా రజనీకాంత్ మళ్లీ మరోసారి "థలైవా" శక్తిని బాక్సాఫీస్ వద్ద నిరూపించారు.

Disclaimer: The information provided on this page about the box-office report of the said movie is sourced from various publicly available platforms like https://www.sacnilk.com/ and https://x.com/taran_adarsh?lang=en which are the accepted and widely quoted sources for such data. GoodReturns doesn't take accountability for the same and is merely quoting numbers based these reports.