హైదరాబాద్‌లో బ్లూజే అతిపెద్ద ఆఫీస్, ఏడాదిలో 350 ఉద్యోగాలు

హైదరాబాదులో అతిపెద్ద కేంద్రం

వంద దేశాల్లో తమ కంపెనీకి 7,500 మంది కస్టమర్లు ఉన్నారని, 40,000కు పైగా సరఫరా సేవలను అందించే భాగస్వాములు ఉన్నట్లు చెప్పారు. హైదరాబాద్ కేంద్రం అతి పెద్ద కేంద్రాల్లో ఒకటని, దీనిని 36 వేల చ.అ.లో ఏర్పాటు చేసినట్లు తెలిపారు.

ఏడాదిలో 350 ఉద్యోగాలు

ప్రస్తుతం 300 మంది ఉద్యోగులు పని చేస్తారని, ఏడాది కాలంలో మరో 50 మందికి పైగా ఉద్యోగులను చేర్చుకుంటామన్నారు. అంతర్జాతీయంగా మొత్తం 1,200 మంది ఉద్యోగులు ఉన్నారని తెలిపారు. ఇప్పటి వరకు భారత్‌లో ఏడు మిలియన్ డాలర్ల మేరకు పెట్టుబడి పెట్టామన్నారు. సప్లై చైన్‌లో పని చేసే సంస్థలను కొనుగోలు చేసేందుకు ప్రయత్నిస్తున్నట్లు చెప్పారు.

భారత్‌లో భారీ పెట్టుబడులు

భారత్‌లో వ్యాపారాన్ని విస్తరించడానికి ఇప్పటికే భారీగా పెట్టుబడులు పెట్టామన్నారు. రిటైలర్లు, డిస్ట్రిబ్యూటర్లు, సరుకు రవాణాదారులకు, తయారీ, లాజిస్టిక్ సర్వీస్ ప్రొవైడర్లకు ఈ నూతన సెంటర్ ద్వారా సేవలు అందిస్తామన్నారు. ప్రస్తుతం సంస్థకు అమెరికా, బ్రిటన్, భారత్, సింగపూర్, చైనా, నెదర్లాండ్స్, న్యూజిలాండ్‌లలో కార్యాలయాలను నిర్వహిస్తోంది.