Dividend Stock: ఒక్కో షేరుపై రూ.55 డివిడెండ్ ఇస్తున్న స్టాక్.. డాలీ ఖన్నా పెట్టుబడి పెట్టారు..

Chennai Petroleum: క్యూ4 ఫలితాలతో పాటు చాలా కంపెనీలు తమ ఉద్యోగులకు బోనస్, డివిడెండ్ ప్రకటిస్తూ జోష్ నింపుతున్నాయి. అనేక కంపెనీల షేర్లు ఈ క్రమంలో ఒక్కరోజే అధిక శాతంలో పెరిగిపోతున్నాయి.

ఇప్పుడు మనం మాట్లాడుకోబోతున్నది చెన్నై పెట్రోలియం కార్పొరేషన్ కంపెనీ షేర్ల గురించే. నేడు ఇంట్రాడేలో షేర్ ధరలో భారీ పెరుగుదల కనిపించింది. చెన్నై పెట్రోలియం షేర్లు అత్యధికంగా 18 శాతానికి పైగా పెరిగి రూ.1,098 స్థాయికి చేరుకున్నాయి. ఈ ర్యాలీతో కంపెనీ షేర్లు ఆల్ టైమ్ గరిష్ఠ స్థాయికి చేరుకున్నాయి. కంపెనీ షేర్లలో ఈ పెరుగుదల పెద్ద ప్రకటనకు కారణం 2024 ఆర్థిక సంవత్సరానికి ప్రతి షేరుపై కంపెనీ రూ.55 ఫైనల్ డివిడెండ్‌ ప్రకటించటమే. కంపెనీ షేర్లలో ప్రముఖ ఇన్వెస్టర్ డాలీ ఖన్నా 16 లక్షల షేర్లను హోల్డ్ చేస్తూ భారీ పందెం వేశారు.

చెన్నై పెట్రోలియం కార్పొరేషన్ 2023 ఆర్థిక సంవత్సరానికి డబుల్ డివిడెండ్ ప్రకటించింది. 2023 ఆర్థిక సంవత్సరంలో కంపెనీ రూ.27 డివిడెండ్ ప్రకటించగా.. 2024 ఆర్థిక సంవత్సరానికి రూ.55 ఫైనల్ డివిడెండ్ ప్రకటించింది. చివరి డివిడెండ్‌పై కంపెనీ రూ.819 కోట్లు ఖర్చు చేస్తుంది. ఇది చెన్నై పెట్రోలియం కార్పొరేషన్ పూర్తి సంవత్సర లాభం రూ.2,711 కోట్లలో 30%గా ఉంది. అయితే ఫైనల్ డివిడెండ్ కోసం కంపెనీ ఇప్పటి వరకు రికార్డు తేదీని ప్రకటించలేదు.

ఇన్వెస్టర్ డాలీ ఖన్నా చెన్నై పెట్రోలియం కార్పొరేషన్‌ కంపెనీలో 16.18 లక్షల షేర్లు లేదా కంపెనీలో 1.09% వాటా ఉంది. గత ఏడాది కాలంలో చెన్నై పెట్రోలియం కార్పొరేషన్‌ షేర్లు 310 శాతానికి పైగా పెరిగాయి. కంపెనీ షేర్లు 24 ఏప్రిల్ 2023న రూ.264.55 వద్ద ఉండగా.. 24 ఏప్రిల్ 2024న రూ.1,098కి చేరుకుంది. గడచిన 6 నెలల కాలంలో కంపెనీ షేర్ ధర 105 శాతం పెరుగుదలను అందించింది. ఈ కాలంలో కంపెనీ షేర్లు రూ.534.35 నుంచి రూ.1,100కి చేరాయి.