నెలకు రూ. 200 దాటకుండా ఏడాదంతా మొబైల్ వాడాలా? ఈ రీఛార్జ్ ప్లాన్ల గురించి మీకు తెలియకపొవచ్చు!

మొబైల్ రీఛార్జ్ ధరలు ఆకాశాన్ని తాకుతున్న ఈ రోజుల్లో.. ప్రతినెలా రీఛార్జ్ చేయాలంటే సామాన్యుల జేబుకు చిల్లు పడడం ఖాయం. అందుకే చాలా మంది ఇప్పుడు వార్షిక ప్లాన్ల (Annual Plans) వైపు మొగ్గు చూపుతున్నారు. నెలకు రూ.300 లేదా రూ. 400 కట్టడం కంటే ఏడాదికి ఒకేసారి రీఛార్జ్ చేయడం వల్ల గణనీయమైన మొత్తాన్ని ఆదా చేయవచ్చు. మరి 2026లో ప్రముఖ టెలికాం సంస్థలైన జియో (Jio), ఎయిర్‌టెల్ (Airtel), వి (Vi) అందిస్తున్న అత్యంత చౌకైన రీఛార్జ్ ప్లాన్ (Recharge plan) ఏది? వీటిలో ఏది మీకు లాభసాటి? పూర్తి వివరాలు ఇక్కడ చూద్దాం.

జియో (Jio): డేటా ప్రియులకు పండగే!

జియో తన వినియోగదారుల కోసం రూ.3,599 ప్లాన్‌ ను అందుబాటులోకి తెచ్చింది. ఇది పైకి భారీ మొత్తంగా అనిపించినా, నెలవారీ లెక్కన చూస్తే కేవలం రూ. 300 మాత్రమే పడుతుంది.

• ప్రయోజనాలు: రోజుకు 2.5GB డేటా, అపరిమిత కాల్స్, రోజుకు 100 ఎస్సెమ్మెస్‌లు.
• స్పెషల్: మీరు 5G నెట్‌వర్క్ ఉన్న ప్రాంతంలో ఉంటే, అన్‌లిమిటెడ్ 5G డేటాను ఎంజాయ్ చేయవచ్చు.
• ఎవరికి బెస్ట్: ప్రతినెలా డేటా అయిపోతుందని భయపడే వారికి, వీడియోలు ఎక్కువగా చూసే వారికి ఈ రీఛార్జ్ ప్లాన్ (Recharge plan) పర్ఫెక్ట్ ఛాయిస్.

ఎయిర్‌టెల్ (Airtel): సిమ్ యాక్టివ్‌గా ఉండాలంటే ఇదే బెస్ట్!

మీరు మొబైల్ డేటా కంటే కాల్స్ ఎక్కువగా మాట్లాడతారా? లేదా వైఫై వాడుతూ కేవలం ఫోన్ నంబర్ యాక్టివ్‌ గా ఉండాలని కోరుకుంటారా? అయితే ఎయిర్‌టెల్ రూ.1,849 ప్లాన్ మీ కోసమే.

• ప్రయోజనాలు: ఏడాది పొడవునా అన్‌లిమిటెడ్ కాల్స్, మొత్తం సంవత్సరానికి 3,600 ఎస్సెమ్మెస్‌లు.
• నెలకు ఖర్చు: నెలకు కేవలం రూ. 154 మాత్రమే.
• డేటా ఉండదు: అయితే ఇందులో డైలీ డేటా ఉండదు. కేవలం కాల్స్, ఓటిపి (OTP)ల కోసం ఫోన్ వాడే వారికి, ముఖ్యంగా తల్లిదండ్రులకు లేదా సెకండరీ సిమ్ వాడే వారికి ఇది చాలా పొదుపైన ప్లాన్.

వోడాఫోన్ ఐడియా (Vi): అతి తక్కువ ధరలో డేటా ప్యాక్!

అందరికంటే తక్కువ ధరకే ఎంట్రీ లెవల్ వార్షిక ప్లాన్‌ను అందిస్తోంది వి (Vi). రూ.1,189 ప్లాన్ తో ఏడాది పొడవునా డేటా పొందొచ్చు.

• ప్రయోజనాలు: ఇది డేటా-ఓన్లీ ప్యాక్. అంటే ఏడాది మొత్తానికి 50GB డేటా వస్తుంది. దీని నెలవారీ ఖర్చు రూ. 100 లోపే ఉంటుంది.
• కాలింగ్ ప్లాన్: మీరు కాలింగ్ ప్లాన్ కావాలనుకుంటే, ఎయిర్‌టెల్ లాగానే రూ.1,849 ప్లాన్‌ను ఎంచుకోవచ్చు. ఇది కూడా నెలకు రూ. 154 ఖర్చుతో అన్‌లిమిటెడ్ కాలింగ్ అందిస్తుంది.
• ఎవరికి బెస్ట్: విద్యార్థులకు లేదా బ్యాకప్ సిమ్ కార్డులు వాడే వారికి ఈ తక్కువ ధర ప్లాన్లు బాగా ఉపయోగపడతాయి.

వార్షిక ప్లాన్ వల్ల లాభమేంటి?

ప్రతినెలా రీఛార్జ్ గడువు ఎప్పుడు ముగుస్తుందో అని ట్రాక్ చేయాల్సిన అవసరం లేదు. 2026 నాటి ధరల ప్రకారం.. మీరు విడివిడిగా 12 నెలలు రీఛార్జ్ చేస్తే అయ్యే ఖర్చు కంటే, ఈ వార్షిక ప్లాన్లపై కనీసం రూ.500 నుండి రూ.800 వరకు ఆదా చేయవచ్చు. పైగా ధరలు పెరిగే అవకాశం ఉన్నా.. మీరు ఒకసారి రీఛార్జ్ చేస్తే ఏడాది వరకు ఆ టెన్షన్ ఉండదు.