Apple Inc: భారత్‍లో భారీగా పెరిగిన యాపిల్ కంపెనీ ప్రొడక్ట్స్ అమ్మకాలు.. స్మార్ట్ ఫోన్లదే అగ్రస్థానం..!

భారత్ లో యాపిల్ కంపెనీ ప్రొడక్ట్స్ అమ్మకాలు భారీగా పెరిగాయి. సెప్టెంబర్ త్రైమాసికంలో స్మార్ట్‌ఫోన్‌లు, పర్సనల్ కంప్యూటర్‌లు, ఐప్యాడ్‌ల భారీగా అమ్ముడయ్యాయి. దీంతో కాంపెనీకి భారత్ నుంచి రికార్డ్ స్థాయిలో ఆదాయం వచ్చింది. ల్యాప్‌టాప్ కేటగిరీలో, ముఖ్యంగా ఎంటర్‌ప్రైజ్ సెగ్మెంట్‌లో యాపిల్ అధిక మార్కెట్ వాటాను పెంచుకుంటోందని విశ్లేషకులు తెలిపారు. దేశంలో ఐఫోన్ వినియోగదారుల పెరుగుతున్నారని కౌంటర్ పాయింట్ ఇండియా రీసెర్చ్ డైరెక్టర్ తరుణ్ పాఠక్ అన్నారు.ఐఫోన్ భారతదేశంలోని ఆపిల్ వినియోగదారులకు విలక్షణమైన ఎంట్రీ పాయింటని చెప్పారు.

మెట, అల్ఫాబేట్, మైక్రోసాఫ్ట్

ప్రపంచంలో పెద్ద కంపెనీలైన Meta, Alphabet, Microsoft త్రైమాసిక ఫలితాలు నిరాశపరిచాయి. కానీ యాపిల్ ఫలితాలు మాత్రం బాగున్నాయి. గురువారం, యాపిల్ సెప్టెంబర్ త్రైమాసికానికి $90.1 బిలియన్ల రికార్డు ఆదాయాన్ని నివేదించింది. చీఫ్ ఎగ్జిక్యూటివ్ టిమ్ కుక్ మాట్లాడుతూ భారత్ లో యాపిల్ కంపెనీ రెండంకెల వృద్ధిని నమోదు చేసిందన్నారు. భారత్ లో ఈ కంపెనీ "కొత్త ఆల్-టైమ్ రెవెన్యూ రికార్డు"ని నెలకొల్పిందని చీఫ్ ఫైనాన్షియల్ ఆఫీసర్ లూకా మేస్త్రి అన్నారు. యాపిల్ గత రెండు సంవత్సరాలుగా భారతదేశంలో బలమైన పనితీరును కనబరుస్తోందన్నారు.

ప్రీమియం స్మార్ట్‌ఫోన్లు

జూన్ త్రైమాసికంలో దాని భారతదేశ యూనిట్ రికార్డు త్రైమాసిక ఆదాయాన్ని కూడా నమోదు చేసిందని కుక్ పేర్కొన్నారు. భారతదేశంలో ప్రీమియం స్మార్ట్‌ఫోన్ విభాగంలో కంపెనీ అతిపెద్ద మార్కెట్ వాటాను కలిగి ఉందని తెలిపారు. పరిశోధకుడు కౌంటర్‌పాయింట్ ప్రకారం, యాపిల్ భారత్ లో ప్రీమియం స్మార్ట్‌ఫోన్‌లలో 44% మార్కెట్ వాటాను (రూ. 30,000 కంటే ఎక్కువ) కలిగి ఉంది. Apple India Pvt. Ltd నిర్వహణ ఆదాయం మార్చి 31తో ముగిసిన సంవత్సరంలో 46% పెరిగి రూ.33,312.9 కోట్లకు చేరుకుంది. నికర లాభం 3% పెరిగి రూ.1,263 కోట్లకు చేరుకుంది.

50 శాతం వరకు

2019 ఐఫోన్ 11 నుంచి సరసమైన ఐఫోన్‌ల లభ్యత, ఇటీవలి పండుగ సీజన్ అమ్మకాలలో 2021 ఐఫోన్ 13పై భారీ తగ్గింపులతో పాటు, ప్రీమియం సెగ్మెంట్‌లో యాపిల్ మార్కెట్ వాటా CY22కి దాదాపు 50 శాతం వరకు ఉంటుందని కౌంటర్ పాయింట్ ఇండియాకు చెందిన పాథక్ చెప్పారు.