విశాఖపట్నం కోసం కేంద్రం ఆమోదించిన రూ. 200 కోట్లు విలువైన భారీ వరద రక్షణ ప్రాజెక్ట్

విశాఖపట్నం నగరాన్ని "నేషనల్ డిజాస్టర్ మేనేజ్‌మెంట్ అథారిటీ (NDMA)" Phase-II అర్బన్ ఫ్లడ్ రిస్క్ మిటిగేషన్ ప్రోగ్రాం కింద ఎంచుకుంది. ఈ ప్రాజెక్ట్ కోసం కేంద్రం రూ. 200 కోట్లు ప్రత్యేకంగా కేటాయించింది. సెంట్రల్ ఫైనాన్స్ కమిషన్ ఆమోదంతో ఈ ప్రోగ్రాం నగరాన్ని వరదలకు ఎదురుగా మరింత బలంగా తయారుచేయడం లక్ష్యంగా రూపొందించబడింది.

మొత్తం 11 నగరాల కోసం రూ. 2,444.42 కోట్లు కేటాయించబడ్డాయి. ఇందులో కేంద్రం రూ. 2,200 కోట్లు భరిస్తే మరియు రాష్ట్రాలు రూ. 244.42 కోట్లు అందిస్తాయి. ప్రతి నగర ప్రాజెక్ట్‌లో 90% కేంద్రం ఫండింగ్, 10% రాష్ట్ర ఫండింగ్ ఉంటుంది. ఈ ప్రోగ్రాం ఇటీవల కేంద్ర హోంమంత్రి అమిత్ షా నేతృత్వంలో ఉన్న ఉన్నత స్థాయి కమిటీ ద్వారా ఆమోదించబడింది.

GVMC కమిషనర్ కేతన్ గార్గ్ ఏం చెప్తున్నారు అంటే, "GVMC ప్రాజెక్ట్‌ను అమలు చేస్తుంది. ఇందులో నిర్మాణాత్మక పరిష్కారాల కోసం రూ. 140 కోట్లు సురక్షా చర్యల కోసం రూ. 60 కోట్లు కేటాయించబడ్డాయి.

ఈ ప్రాజెక్ట్‌లో మూడు ప్రధాన లక్ష్యాలు ఉన్నాయి. ఒకటి, నగరంలో ఎక్కడ వరద ప్రమాదం ఎక్కువగా ఉందో, ఏ ప్రాంతాలు అత్యంత ప్రభావితమవుతాయో తెలుసుకోవడం. రెండు, భౌతిక నిర్మాణాలు,సురక్షా చర్యల పరిష్కారాలు మరియు ప్రకృతి ఆధారిత మార్గాల ద్వారా వరద ప్రమాదాన్ని తగ్గించడం. మూడు, వరదల ముందు హెచ్చరికలు ఇవ్వడం, అత్యవసర పరిస్థితుల్లో స్పందించడానికి సిస్టమ్‌లను బలపరచడం, అలాగే స్థానిక ప్రజలను కూడా ఈ చర్యల్లో చేర్చడం. సరళంగా చెప్పాలంటే, ఎందుకు వరదలు వస్తాయో అర్థం చేసుకోవడం, వాటిని తట్టుకునే మార్గాలు ఏర్పాటు చేయడం, మరియు ప్రజలతో కలిసి ముందస్తుగా సిద్దమవ్వడం అనే మూడు ముఖ్యమైన లక్ష్యాలు ఈ ప్రాజెక్ట్‌లో ఉన్నాయి.

నిర్మాణాత్మక పరిష్కారాల్లో ప్రధానంగా స్టార్మ్ వాటర్ మేనేజ్‌మెంట్ సిస్టమ్ అభివృద్ధి రూ. 80 కోట్లు, వాటర్ బాడీస్ రీన్యూవేషన్ & లేక్స్ కాస్కేడింగ్ రూ. 24 కోట్లు, వాక్‌వేలు & రోడ్డు కర్బ్స్ రూ. 10 కోట్లు, స్పాంజ్ పార్క్స్ & స్పాంజ్ జోన్లు రూ. 6 కోట్లు, రైన్ వాటర్ హార్వెస్టింగ్ రూ. 5 కోట్లు ఉన్నాయి.

సురక్షా చర్యల పరిష్కారాల్లో గ్రీన్ స్పేస్, గ్రీన్ రూఫ్, అర్బన్ ఫారెస్ట్‌ల రూ. 20 కోట్లకు, GIS & IT ఆధారిత ఫ్లడ్ మానిటరింగ్ & Early Warning సిస్టమ్ రూ. 20 కోట్లు, అధికారులు & సిబ్బందికి ట్రైనింగ్ కు రూ. 5 కోట్లు, ఫ్లడ్ ప్రోన్గా ఉన్న ప్రాంతాల్లో కమ్యూనిటీ ఆధారిత విపత్తు ప్రమాద నిర్వహణ రూ. 5 కోట్లు ఉన్నాయి. అదనంగా, ఫ్లడ్ రిసిలియన్స్ పెంపొందించడానికి బిల్డింగ్ బై-లాజ్‌లను రూపకల్పన లేదా సవరణ చేసే ప్రణాళికలు కూడా ఉన్నాయి.

Phase-II లో ఎంపికైన 11 నగరాలలొ భోపాల్, భువనేశ్వర్, గువాహాటి, జైపూర్, కాన్పూర్, పట్నా, రాయ్‌పూర్, తిరువనంతపురం, విశాఖపట్నం, ఇంద్రోర్, లక్నో. ఈ నగరాలు పెద్ద జనసంచిత రాష్ట్ర రాజధానులు లేదా వరదలకు అత్యంత ప్రభావితమైన నగరాలు కాబట్టి ఎంపిక చేయబడ్డాయి. అదనంగా, పర్యావరణ, సామాజిక-ఆర్థిక, హైడ్రో-మేటియరాలజికల్ అంశాలను కూడా పరిశీలించారు.