Onion Price: ఉల్లి ధరలు తగ్గించేందుకు కేంద్రం చర్యలు..

ప్రస్తుతం దేశంలోని వివిధ రాష్ట్రాల కూరగాయల మార్కెట్లలో ఉల్లి ధరలు పెరుగుతున్నాయి. ఢిల్లీ-నోయిడా-గుర్గావ్ వంటి ప్రాంతాల్లో కిలో రూ.50-60కి చేరుతోంది. వర్షాకాలంలో ఉల్లి ధరలు ఆకాశాన్నంటకుండా చూసేందుకు కేంద్ర ప్రభుత్వం చేస్తున్న సన్నాహాలు చేస్తోంది.
ఈ ఏడాది 1 లక్ష టన్నుల బఫర్ స్టాక్‌ను సృష్టించేందుకు ఉల్లిపాయల రేడియేషన్ ప్రాసెసింగ్‌ను గణనీయంగా పెంచాలని ప్రభుత్వం యోచిస్తోందని ప్రభుత్వ ఉన్నతాధికారి ఒకరు తెలిపారు.

రాజకీయంగా సున్నితమైన ఆహార వస్తువు అయిన ఉల్లిపాయల పెరుగుతున్న ధరలను ఆపాలని ప్రభుత్వం కోరుకుంటుంది. దాని కొరతను నివారించడానికి ఏర్పాట్లు చేస్తుంది. ఉల్లిపాయలను నిల్వ చేయడంతో తరచుగా సరఫరాలో సమస్యల కారణంగా ధరల అస్థిరత కనిపిస్తుందని వినియోగదారుల వ్యవహారాల మంత్రిత్వ శాఖ కార్యదర్శి నిధి ఖరే అన్నారు. దీన్ని అరికట్టేందుకు ఉల్లి నిల్వలను పెంచడానికి రేడియేషన్ టెక్నాలజీని పెద్ద ఎత్తున ఉపయోగించాలని ప్రభుత్వం యోచిస్తోందన్నారు.

ఇది విజయవంతమైతే ఈ ఏడాది లక్ష టన్నుల వరకు రేడియేషన్ ప్రాసెస్ చేసిన ఉల్లిని నిల్వ చేయగలుగుతామని చెప్పారు. వినియోగదారుల వ్యవహారాల మంత్రిత్వ శాఖ కొత్త రేడియేషన్ సదుపాయం కోసం శోధించమని ప్రభుత్వ ఏజెన్సీలైన NAFED, NCCFలను కోరింది. బఫర్ స్టాక్‌ను సృష్టించేందుకు నాఫెడ్, ఎన్సీసీఎఫ్ వంటి ఏజెన్సీలు ఈ సంవత్సరం 5 లక్షల టన్నుల ఉల్లిపాయలను కొనుగోలు చేస్తున్నాయి.

సోనిపట్, థానే, నాసిక్ మరియు ముంబై వంటి ప్రధాన వినియోగ కేంద్రాల చుట్టూ రేడియేషన్ కేంద్రాలను గుర్తించాలని ఆహార మంత్రిత్వ శాఖ కోరింది. బఫర్ స్టాక్‌ను వేగంగా రవాణా చేసేందుకు ప్రధాన రైల్వే హబ్‌లలో నియంత్రిత పర్యావరణ నిల్వ సౌకర్యాలను ఏర్పాటు చేయడాన్ని కూడా మంత్రిత్వ శాఖ పరిశీలిస్తోందని నిధి ఖరే చెప్పారు. గత సంవత్సరం 1200 టన్నుల ఉల్లి రేడియేషన్ ప్రాసెసింగ్‌ చేశారు. ప్రభుత్వ అంచనాల ప్రకారం మహారాష్ట్ర, కర్ణాటక, ఆంధ్రప్రదేశ్ వంటి ప్రధాన ఉత్పత్తి రాష్ట్రాలలో తక్కువ ఉత్పత్తి నమోదైంది.

దీని కారణంగా, ప్రపంచంలోనే అతిపెద్ద ఉల్లి ఎగుమతిదారుగా ఉన్న భారతదేశ ఉత్పత్తి 2023-24లో 16 శాతం తగ్గుతుందని అంచనా. గతంలో కంటే ఈసారి 2 కోట్ల 54.7 లక్షల టన్నుల ఉల్లి ఉత్పత్తి తక్కువగా ఉంటుందని అంచనా వేస్తున్నారు. మరోవైపు ఉల్లి ఎగుమతులు కూడా పెరుగుతున్నాయి. దీంతో కూడా ఉల్లి ధరలు పెరిగే అవకాశం ఉంది.