Short term stocks: షార్ట్ టర్మ్‌లో మంచి రిటర్న్స్ ఇచ్చే స్టాక్స్.. ఈ రంగంపై ఇన్వెస్టర్ల కన్ను

Cement Stocks: ఎన్నికల ఫలితాల కోసం దేశ ప్రజలతో పాటు ఇన్వెస్టర్లు అత్యాశక్తితో ఎదురు చూశారు. పెట్టుబడి పెట్టడానికి అనువైన పరిస్థితులు ఉంటాయని నమ్మకం కలిగిన తర్వాత ఇక ఇన్వెస్ట్ చేయడానికి రంగంలోకి దిగుతున్నారు. ప్రభుత్వం కూడా మౌలిక సదుపాయాలు కల్పనకు అధిక ప్రాధాన్యం ఇస్తామని చెప్పడంతో సిమెంట్ స్టాక్స్ ప్రస్తుతం హార్ట్ కేక్స్ లా కనబడుతున్నాయి. దీంతో సదరు కంపెనీల షేర్లు భారీగా పెరిగే అవకాశం ఉందని భావిస్తున్నారు.

ఆంధ్ర రాష్ట్ర రాజధానిగా అమరావతి కొనసాగుతుందన్న అంచనాలతో నిర్మాణరంగంపై ఇన్వెస్టర్ల ఫోకస్ మళ్లీంది. కూటమి విజయంతో ఇప్పటికే రియల్ ఎస్టేట్ రంగానికి రెక్కలు వచ్చాయి. ఈ నేపథ్యంలో అక్కడ పలు నిర్మాణ కార్యకలాపాలు మొదలయ్యే సూచనలు కనిపిస్తున్నాయి. ఇటు తెలంగాణలోనూ డిమాండ్ ఉపందుకుంది. దీంతో ఉభయ తెలుగు రాష్ట్రాల్లోనూ సిమెంట్ వినియోగం భారీ స్థాయిలో పెరగనున్నట్లు తెలుస్తోంది.

ఈ నేపథ్యంలో సిమెంట్ ధరలతో పాటు కంపెనీల షేర్లు కూడా ఆకాశాన్ని అంటుతాయని మార్కెట్ నిపుణులు అంచనా వేస్తున్నారు. రానున్న రోజుల్లో దాల్మియా సిమెంట్ దూసుకుపోతుందని లెక్కలు కడుతున్నారు. దాదాపు 50 శాతానికి పైగా పెరుగుతుందని భావిస్తున్నారు. మరోసారి 52 వారాల గరిష్ఠ స్థాయి 2,430 టచ్ చేయవచ్చని చెబుతున్నారు. ఓరియంట్, రామ్కో కంపెనీలు సైతం 40 శాతం పైగా రిటర్న్స్ జనరేట్ చేయవచ్చని పేర్కొంటున్నారు. వీటిలో దాల్మియా సిమెంట్ లార్జ్ క్యాప్ కాగా మిగతా రెండు మిడ్ క్యాప్ క్యాటగిరీకి చెందినవి కావడం గమనార్హం.

ఇక స్మాల్ క్యాప్ విభాగంలోని NCL ఇండస్ట్రీస్, సాగర్ సిమెంట్స్ సత్తా చూపించేందుకు రెడీ అవుతున్నట్లు మార్కెట్ విశ్లేషకులు భావిస్తున్నారు. సాగర్ సిమెంట్ 35 శాతం, NCL దాదాపు 20 శాతం వరకు పెరగవచ్చని అంచనాలు ఉన్నాయి. రెండు స్టాక్స్ మరోసారి జీవితకాలం గరిష్ఠాలకు చేరుతాయని విశ్లేషణలు వెలువడుతున్నాయి. దీంతో సిమెంట్ స్టాక్స్‌ ద్వారా మంచి రిటర్న్స్ జనరేట్ చేసేందుకు ఇన్వెస్టర్స్ రెడీ అవుతున్నారు.