Cement: షాక్ ఇవ్వనున్న సిమెంట్ కంపెనీలు.. బస్తాకు రూ.5 నుంచి రూ.20 పెంపు..!

ఇళ్లు నిర్మించాలనుకునేవారికి సిమెంట్ కంపెనీలు షాక్ ఇచ్చాయి. అక్టోబర్‌లో సిమెంట్ కంపెనీలు మరో విడతగా ధరలు పంచనున్నారు. బస్తాకు రూ. 5 నుంచి 20 వరకు ధరలను పెంచే అవకాశం ఉందని తెలుస్తోంది. అయితే ఈ పెంపు పునరుద్ధరణ, డీలర్ల అంగీకారంపై ఆధారపడి ఉంటుందని సెంట్రమ్ బ్రోకింగ్ ఒక నివేదికలో తెలిపింది. ఇటీవలి వారాల్లో ఇంధన ధరలు విపరీతంగా పెరిగిన నేపథ్యంలో ధరల పెంపును అమలు చేసి భారాన్ని ఎండ్ యూసర్ యుజర్ కు పాస్ ఆన్ చేయాలని కంపెనీలు చూస్తున్నాయి. జూలై, ఆగస్టు నెలల్లో దాదాపు స్థిరంగా ఉన్న అఖిల భారత సగటు వాణిజ్య ధర, సెప్టెంబర్‌లో బస్తాకు రూ. 7 పెరిగి రూ. 356కు చేరడంతో సిమెంట్ ధరల పెరుగుదల ఊపందుకుంది.

సెప్టెంబర్‌లో వాణిజ్య, వర్తకేతర విభాగాలలో సిమెంట్ ధరలు పెరిగాయని, చాలా మార్కెట్లలో వర్తకేతర ధరలలో మరింత తీవ్రమైన పెరుగుదల కనిపించిందని సెంట్రమ్ తెలిపింది. త్రైమాసికం చివరి నాటికి అమ్మకాల లక్ష్యాలను చేరుకోవడానికి డీలర్లు పాత ధరలకే అమ్మకాలు కొనసాగించడంతో అనేక మార్కెట్లలో పెరిగిన కంపెనీల బిల్లింగ్ రేట్లు వినియోగదారులకు పూర్తిగా బదిలీ కాలేదని ఆ నివేదిక పేర్కొంది. సాధారణ కాలానుగుణ ధోరణితో పోలిస్తే Q2FY27లో డిమాండ్ బలహీనత తక్కువగా ఉందని, త్రైమాసికం చివరిలో అనేక మార్కెట్లలో కార్యకలాపాలు మెరుగుపడటంతో, అక్టోబర్‌లో కంపెనీలు ధరలను మరింత పెంచే ప్రయత్నాలు చేస్తాయని అంచనా వేస్తున్నట్లు సెంట్రమ్ వివరించింది.

ఈ పెరుగుదలల కొనసాగింపు డిమాండ్ పునరుద్ధరణపై ఆధారపడి ఉంటుందని పేర్కొంది. జూలై-ఆగస్టు నెలల్లో అనేక మార్కెట్లలో డిమాండ్ పరిమిత శ్రేణిలోనే ఉండగా, సెప్టెంబర్‌లో మిశ్రమ డిమాండ్ కనిపించింది. కొన్ని ప్రాంతాల్లో అధిక వర్షపాతం కార్యకలాపాలను ప్రభావితం చేయగా, మరికొన్న ప్రాంతాల్లో తక్కువ వర్షపాతం నిర్మాణ కార్యకలాపాలకు మద్దతు ఇచ్చిందని నివేదిక పేర్కొంది. ప్రాంతాల వారీగా చూస్తే, సెప్టెంబర్‌లో ధరల పెరుగుదలలో దక్షిణాది భారతదేశం బస్తాకు రూ.11 పెరుగుదలతో అగ్రస్థానంలో ఉండగా, ఆ తర్వాత పశ్చిమ భారతదేశం రూ.9 పెరుగుదలతో ఉంది. మధ్య, తూర్పు, ఉత్తర భారతదేశాలలో ఒక్కొక్కదానిలో బస్తాకు రూ.5 చొప్పున పెరుగుదల నమోదైంది. సిమెంట్ ధరలు పెరిగితే ఆకంపెనీల లాభాలు పెరిగే అవకాశం ఉంది. దీంతో కంపెనీ స్టాక్స్ పెరిగే అవకాశం ఉన్నట్లు అంచనా వేస్తున్నారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.