ఓయో, మేక్ మై ట్రిప్‌లపై విచారణకు కాంపిటీషన్ కమిషన్ ఆదేశాలు

ఆన్‌లైన్ ట్రావెల్ ఏజెన్సీ మైక్ మై ట్రిప్, హోటల్ చైన్ ఓయోపై దర్యాఫ్తు చేయాలని కాంపిటీషన్ కమిషన్ ఆఫ్ ఇండియా (CCI) సోమవారం ఆదేశాలు జారీ చేసింది. ఈ కంపెనీలు అనుచిత వ్యాపార విధానాలు పాటిస్తున్నాయనే ఆరోపణలు ఎదుర్కొంటున్నాయి. ఓయో ప్రత్యర్థి ట్రీబో హోటల్స్ మాతృసంస్థ ఫిర్యాదు మేరకు CCI స్పందించింది.

పోటీ నిబంధనలు ఉల్లంఘించాయని ప్రాథమిక ఆధారాలతో ఈ రెండు సంస్థలపై CCI విచారణకు ఆదేశించడం ఆరు నెలల కాలంలో ఇది రెండోసారి. ఓయోతో మేక్ మై ట్రిప్ ఒప్పందం కుదుర్చుకుంది. తన పోర్టల్‌లో ట్రీబో భాగస్వామ్య హోటళ్లను లిస్ట్ చేయకుండా మినహాయించడం, పోర్టల్ ఛార్జీలపరంగా పరిమితులు విధఇంచడం వంటి అంశాలపై ట్రీబో ఫిర్యాదు చేసింది.

దీనిపై విచారణ జరిపిన కాంపిటీషన్ కమిషన్ ఆఫ్ ఇండియా మార్కెట్‌లో గుత్తాధిపత్యాన్ని దుర్వినియోగం చేస్తున్నట్లుగా ప్రాథమిక ఆధారాలను బట్టి తెలుస్తున్నట్లు పేర్కొంది. ఈ మేరకు 13 పేజీల ఉత్తర్వుల్లో పేర్కొంది.