Mega Discounts: కార్ కొనాలనుకునే వారికి శుభవార్త.. లక్ష వరకు డిస్కౌంట్ ప్రకటించిన కంపెనీ.. ఇప్పుడే కొనుక్కోండి

ఆఫర్‌లో రూ. 94 వేల వరకు తగ్గింపు..

రెనాల్ట్ ఇండియా దేశంలోని మూడు మాస్-మార్కెట్ ఆఫర్‌లతో కలిపి రూ. 94,000 వరకు కొత్తగా వాహనాలను కొనే వినియోగదారులకు తగ్గింపులను అందిస్తోంది. అంటే.. క్విడ్, ట్రైబర్, కిగర్ రెనాల్ట్ కార్లకు ఆఫర్‌లో ఉన్న ప్రయోజనాల్లో నగదు తగ్గింపులు, లాయల్టీ ప్రయోజనాలు అలాగే ఎక్స్ఛేంజ్ బోనస్‌లు ఉన్నాయి. అంతే కాకుండా.. ఫ్రెంచ్ కార్‌మేకర్ స్క్రాపేజ్ పాలసీ కింద అన్ని వాహనాలపై రూ.10,000 ఎక్స్ఛేంజ్ ప్రయోజనాన్ని కూడా అందిస్తోంది.

రెనాల్ట్ ట్రైబర్..

ట్రైబర్ మోడల్ కారుకు అత్యధిక తగ్గింపుతో అందించబడుతోంది. ఇందులో రూ.40,000 వరకు నగదు ప్రయోజనాలు, రూ.44,000 వరకు ప్రత్యేక లాయల్టీ ప్రయోజనాలు, రూ.10,000 వరకు స్క్రాపేజ్ ప్రోగ్రామ్ కింద ఎక్స్ఛేంజ్ ప్రయోజనం ఉన్నాయి. అంటే సబ్-కాంపాక్ట్ MPV రూ.94,000 వరకు తగ్గింపుతో అందుబాటులో ఉంది. రెనాల్ట్ ట్రైబర్ లిమిటెడ్ ఎడిషన్‌తో నగదు తగ్గింపు ఉండదని గుర్తుంచుకోండి. మెుత్తం తగ్గింపు ప్రయోజనం రూ. 94,000 వరకు ఉంది.

రెనాల్ట్ క్విడ్..

క్విడ్ ప్రస్తుతం దేశంలో రెనాల్ట్ అత్యంత సరసమైన ఆఫర్ అందుబాటులో ఉంది. కంపెనీ ప్రస్తుతం కారుపై రూ.35,000 వరకు నగదు ప్రయోజనాలను అందిస్తోంది. దానికి తోడు రూ.37,000 వరకు ప్రత్యేక లాయల్టీ ప్రయోజనాలు, రూ. 10,000 వరకు ఎక్స్ఛేంజ్ ప్రయోజనాలను అందిస్తోంది. ఈ ఆఫర్‌లు 2021MY క్విడ్‌కి వర్తిస్తాయని గుర్తుంచుకోండి. 2022లో తయారు చేయబడిన రెనాల్ట్ క్విడ్ కార్లపై రూ.30,000 వరకు నగదు తగ్గింపును అందుబాటులో ఉంది. అయితే లాయల్టీ బోనస్, ఎక్స్ఛేంజ్ ప్రయోజనం మాత్రం సేమ్. మెుత్తం తగ్గింపు ప్రయోజనం రూ. 82,000 వరకు ఉంది.

రెనాల్ట్ కిగర్..

రెనాల్ట్ కిగర్ ఇటీవల దేశంలో 50,000 యూనిట్ల ఉత్పత్తి మైలురాయిని సాధించింది. దాని రాకతో సబ్-కాంపాక్ట్ SUV కంపెనీకి దేశంలో విక్రయాల వాల్యూమ్‌లను పెంచడంలో సహాయపడింది. ప్రస్తుతానికి.. Renault Kigerతో రూ.75,000 వరకు విలువైన ప్రయోజనాలను కంపెనీ అందిస్తోంది. ఇందులో రూ.55,000 వరకు ప్రత్యేక లాయల్టీ ప్రయోజనం కాగా.. రూ.10,000 వరకు కార్పొరేట్ తగ్గింపు లేదా గ్రామీణ వినియోగదారులకు ప్రత్యేక ఆఫర్ ఉంది. దీనికి తోడు అన్ని వాహనాలపై రూ.10,000 ఎక్స్ఛేంజ్ ప్రయోజనం అందుబాటులో ఉంది.