Banks: రుణ గ్రహీతలకు షాకిచ్చిన ప్రభుత్వ బ్యాంకులు..!

ప్రముఖ ప్రభుత్వ రంగ బ్యాంకులు (PSBలు) బ్యాంక్ ఆఫ్ బరోడా, కెనరా బ్యాంక్, యూకో (UCO) బ్యాంకులు రుణాలపై స్వల్పంగా వడ్డీ రేట్లను పెంచాయి. ఎంసీఎల్ఆర్ (MCLR)రెట్ ను పెంచాయి. రిజర్వ్ బ్యాంక్ ఆఫ్ ఇండియా (RBI) రేట్-సెట్టింగ్ ప్యానెల్ తన ద్రవ్య విధాన నిర్ణయం ప్రకటించిన తర్వాత బ్యాంకులు వడ్డీ రేట్లను పెంచాయి. బ్యాంక్ ఆఫ్ బరోడా ఆగస్టు 12 నుంచి MCLRని సవరించింది. యూకో బ్యాంక్ అసెట్ లయబిలిటీ మేనేజ్‌మెంట్ కమిటీ (ALCO) ఆగస్టు 10 నుంచి అమలులోకి రానున్నాయి. ఈ బ్యాంక్ రుణ రేటును ఐదు బేసిస్ పాయింట్లు (bps) పెంచనుంది.

కెనరా బ్యాంక్ బెంచ్‌మార్క్ వన్-ఇయర్ టేనర్ MCLR, ఆటో, పర్సనల్ రుణాలపై వడ్డీ రేట్లను పెంచింది. మూడేళ్ల ఎంసీఎల్‌ఆర్‌ 9.40 శాతం కాగా, రెండేళ్ల కాలానికి ఇది ఐదు బీపీఎస్‌లు పెరిగి 9.30 శాతంగా ఉంటుంది. కెనరా బ్యాంక్ ఒక నెల, మూడు నెలలు, ఆరు నెలల కాలపరిమితి రేట్లు 8.35-8.80 శాతంగా ఉంటాయి. జూన్ 30తో ముగిసిన మొదటి త్రైమాసికంలో కెనరా బ్యాంక్ నికర లాభం 10 శాతం పెరిగి రూ.3,905 కోట్లకు చేరుకుంది.

కోల్‌కతాకు చెందిన యూకో బ్యాంక్ ఒక నెల కాలవ్యవధికి MCLRని 8.3 శాతం నుంచి 8.35 శాతానికి, ఒక సంవత్సరం MCLRని 8.9 శాతం నుంచి 8.95 శాతానికి పెంచింది. పీఎస్బీ ట్రెజరీ బిల్లు బెంచ్‌మార్క్ లింక్డ్ రేట్లను 5-15 బేసిస్ పాయింట్లు తగ్గించింది.ఏప్రిల్-జూన్ త్రైమాసికంలో UCO బ్యాంక్ నికర లాభం సంవత్సరానికి 147 శాతం పెరిగి రూ.551 కోట్లకు చేరుకుంది.

బ్యాంక్ ఆఫ్ బరోడా మూడు నెలల కాలవ్యవధికి MCLRని 8.45 శాతం నుంచి 8.5 శాతానికి పెంచగా.. ఆరు నెలల కాల వ్యవధికి 8.7 శాతం నుంచి 8.75 శాతానికి సవరించినట్లు తెలిపింది. ఒక సంవత్సరం రుణాలకు సవరించిన MCLR 8.9 శాతం నుంచి 8.95 శాతంగా ఉంటుంది. పెంచిన వడ్డీ రేట్లు ఆగస్ట్ 12 నుంచి అమల్లోకి రానున్నాయి. జూన్ త్రైమాసికంలో BoB 6.19 శాతం వృద్ధిని నమోదు చేసింది. ప్రభుత్వ-ఆధారిత రుణదాత రుణ వృద్ధిని క్రమాంకనం చేసినందున, నికర లాభం రూ.4,727.81 కోట్లకు చేరుకుంది.