బందరు పోర్టుకు కెనరా బ్యాంకు రూ.4వేల కోట్ల భారీ రుణం

అమరావతి: బందరు పోర్ట్ నిర్మాణానికి భారీ రుణాన్ని అందించేందుకు కెనరా బ్యాంకు మందుకు వచ్చింది. ఈ మేరకు మచిలీపట్నం ఎంపీ బాలశౌరి వెల్లడించారు. మంగళవారం బ్యాంకు ఎండీ శంకరనారాయణతో కలిసి సచివాలయంలో ముఖ్యమంత్రి జగన్మోహన్ రెడ్డిని కలిశారు. ఈ సందర్భంగా బందరు పోర్ట్‍‌కు రుణ సహాయం చేసేందుకు సంసిద్ధత వ్యక్తం చేసారు.

త్వరలోనే ప్రభుత్వం ఆధ్వర్యంలో పోర్టు నిర్మాణం ప్రారంభం అవుతుందని చెప్పారు. బందరు పోర్టు కోసం కెనరా బ్యాంకు దాదాపు రూ.4వేల కోట్ల వరకు నిధులు అందజేయనుందట. ఈ పోర్టు నిర్మాణానికి సంబంధించి గతంలో నవయుగ సంస్థతో కుదిరిన MoUను ప్రభుత్వం రద్దు చేసింది. దీంతో ఆ సంస్థ కోర్టును ఆశ్రయించింది.

ఈ నేపథ్యంలో పోర్టు నిర్మాణాన్ని ప్రభుత్వం చేపట్టాలని నిర్ణయించింది. బ్యాంకు బోర్డులో ఆమోదం పొందిన బందరు పోర్టుకు రుణాన్ని మంజూరు చేస్తామని బ్యాంకు సీఎండీ చెప్పినట్లు ఎంపీ బాలశౌరి తెలిపారు. న్యాయపరమైన చిక్కుల పరిష్కారానికి ప్రభుత్వం చర్యలు తీసుకుంటోంది.