Byjus News: అమెరికాలో బైజూస్ యూనిట్ కీలక డెసిషన్.. రుణదాతల ఒత్తిడి తట్టుకోలేక..

Byjus Bankruptacy: భారతీయ ఎడ్‌టెక్ దిగ్గజం మరియు యూనికార్న్ అయిన బైజూస్‌లో సంక్షోభం మరింత ముదిరింది. ఇప్పటికే వేలాది మంది ఉద్యోగులను తొలగించింది. ఇదే సమయంలో రుణదాతలు నుంచి ఒత్తిడి పెరిగింది. దీంతో కీలక నిర్ణయం తీసుకుంది.

ఎడ్యుకేషన్ టెక్నాలజీ స్టార్టప్ బైజూస్ దివాలా ప్రక్రియను ప్రారంభించింది. USలోని తన అనుబంధ సంస్థ బైజూస్ ఆల్ఫా డెలావేర్ కోర్టులో ఈ మేరకు విచారణ కోసం దాఖలు చేసింది. కనీసం 500 మిలియన్స్ నుంచి 1 బిలియన్ డాలర్ల ఆస్తులతో పాటు 1 బిలియన్ నుంచి 10 బిలియన్ డాలర్ల రుణభారం ఉన్నట్లు అందులో వెల్లడించింది. 100 నుంచి 199 మంది రుణదాతలను అంచనా వేసింది.

2022లో బైజు రవీంద్రన్ ఈ ఎడ్‌టెక్‌ ను స్థాపించారు. 22 బిలియన్ల విలువ కలిగి భారతదేశపు హాటెస్ట్ స్టార్టప్‌లలో ఒకటిగా పేరుగాంచింది. అయితే కాలక్రమంలో కంపెనీ అప్పుల్లో కూరుకుపోయింది. రుణదాతలు దానిపై ఇటీవల దివాలా ప్రక్రియను సైతం ప్రారంభించారు. ఈ పరిణామాలతో కంపెనీ వాల్యుయేషన్ 1 నుంచి 3 బిలియన్ డాలర్ల మధ్యకు పడిపోయినట్లు కొందరు ఇన్వెస్టర్లు అభిప్రాయపడ్డారు.

తక్షణ రుణబాధ్యతలు సహా సాధారణ ఖర్చుల కోసం రైట్స్ ఇష్యూ ద్వారా సుమారు 200 మిలియన్ డాలర్లు సమీకరించనున్నట్లు ఇటీవల ప్రకటించింది. గత కొన్ని నెలల్లో 1.2 బిలియన్ల టర్మ్ లోన్‌ను తిరిగి చెల్లించడానికి రుణదాతలతో చర్చలు జరుపుతోంది.