రియల్ ఎస్టేట్ vs మ్యూచువల్ ఫండ్స్… 20 ఏళ్ల తర్వాత ఏది మిలియన్‌ డీల్ అవుతుందో తెలుసుకొండి

ఇండియాలో ఇల్లు కొనడం గానీ, మ్యూచువల్ ఫండ్స్‌లో పెట్టుబడి పెట్టడం గానీ ఎప్పటికీ చర్చల్లో ఉంటుంది. బెంగళూరు‌లోని ఒక వ్యక్తి కథ ఈ చర్చకు కొత్త కోణాన్ని తీసుకువస్తోంది. 2011లో అతను ఒక ఫ్లాట్ కొన్నాడు, అప్పటి మార్కెట్ ప్రకారం కొంత అధిక ధర అయినప్పటికి తీసుకున్నారు. కానీ 10 సంవత్సరాల తర్వాత ఆ ఫ్లాట్ అమ్మడం ద్వారా పూణేలో ఒక ప్రీమియం, డెబ్ట్-ఫ్రీ అపార్ట్‌మెంట్ కొన్నాడు. ఇంకా పెట్టుబడుల కోసం అదనపు నగదు కూడా అయినకి మిగిలింది.

ఈ కథను చార్టర్డ్ అకౌంటెంట్ అయిన అఖిల్ అగర్వాల్ లింక్డ్ఇన్ లో షేర్ చేశారు. మొదట అందరూ అనుమానించినా, కానీ తరువాత ఆ ప్రాపర్టీ కుటుంబానికి స్థిర నివాసాన్ని ఇచ్చింది. అలాగే ఆ స్థిరత్వం ఉపయోగించి ఒక కొత్త లైఫ్‌స్టైల్‌కి మార్గం చూపింది. పూణేలో కొత్త అపార్ట్‌మెంట్ పూర్తి చెల్లింపుతో కొనుగోలు చేసి, ఇంకా కొంచెం అదనపు నగదు మిగిలిన నేపథ్యంలో, రియల్ ఎస్టేట్ నిజంగా "శాంతి, స్థిరత్వం" ఇస్తుందని స్పష్టంగా తెలుస్తుంది.

ఇక్కడ ఒక ముఖ్యమైన విషయం గమనించాల్సినది. ఒక రూ.1 కోటి ఫ్లాట్ కోసం EMIs సుమారు రూ.60,000-70,000 వచ్చేస్తే, కానీ అదే ఇల్లు అద్దెకు కేవలం రూ.20,000-25,000లోనే లభిస్తుంది. 20-30 సంవత్సరాల్లో, ఇల్లు EMIs లేకుంటే, అద్దెగా భర్తీ చేయాల్సిన డబ్బును పొదుపు చేయగలుగుతారు. ఆ మొత్తం సుమారు రూ.90 లక్షల కంటే ఎక్కువ కావచ్చు. ఇంకా, ఇంటి విలువ ప్రాపర్టీ యాప్రిసియేషన్ కూడా కలిపితే, ఇల్లు ఉన్నదానికన్నా చాలా పెద్దది అవుతుంది. అంటే ఓనర్‌షిప్ నిజంగా లాభదాయకమే అని అనిపిస్తుంది.

అగర్వాల్ చెప్పినట్టు, MF vs హౌస్ పోల్చినప్పుడు చాలా మంది కేవలం కొద్ది అంశాలే చూస్తారు. అద్దె ఎలా పెరుగుతుంది, మానసికంగా ఇచ్చే సౌకర్యం, MF రిటర్న్స్ ఎంత తేడాతో రావొచ్చు అనే విషయాలను ఎక్కువగా గమనించరు.

కానీ ప్రతి నగరం ఒకలా కాదు. Tier-2, Tier-3 నగరాల్లో, అద్దె రాబడి తక్కువగా ఉన్నప్పుడు అద్దె తీసుకోవడం ఎక్కువ లాభదాయకంగా ఉండొచ్చు. ఆ పొదుపు అద్దెను మ్యూచువల్ ఫండ్స్‌లో 12% CAGR తో పెట్టుబడి చేస్తే, ఆస్తి పెరుగుదల కంటే ఎక్కువ లాభం రావచ్చు.

కానీ దీర్ఘకాల లాభం కేవలం నంబర్లతో కొలవబడదు. EMI లేకుండా, పూర్తిగా సొంత ఆస్తి ఉంటే, అద్దె-EMI గమనించే ఆందోళన ఉండదు. కేవలం ఒక ప్రత్యక్ష ఆస్తి, మరియు స్థిరమైన మనసు శాంతి మాత్రమే ఉంటుంది.

ఇల్లు కొంటే వచ్చే లాభాలు కేవలం లెక్కలకే పరిమితం కావు. ఒక ఇంటి వల్ల సేఫ్‌గా ఉన్నామన్న భావన, అద్దె పొదుపు, ఆస్తి విలువ పెరగడం, మనసుకు శాంతి ఇలా ఇవన్నీ కలిపి రియల్ ఎస్టేట్‌కి ప్రత్యేక విలువ ఇస్తాయి. పెద్ద నగరాల్లో (Tier-1) ఇల్లు కొనడం ఎక్కువ లాభం ఇవ్వొచ్చు. కానీ చిన్న పట్టణాలు, Tier-2/3 నగరాల్లో మ్యూచువల్ ఫండ్స్‌లో పెట్టుబడి పెట్టడం కూడా మంచి ఆప్షన్ అవుతుంది.

ఇల్లు కొనుగోలు చేసినప్పుడు కేవలం ఆర్థిక లాభం మాత్రమే కాదు, జీవన శైలి కూడా మారుతుంది. సొంత ఇల్లు ఉన్నప్పుడు పిల్లల చదువు, వర్క్-ఫ్రమ్-హోమ్, ఎల్డర్ల సౌకర్యం లాంటి అంశాల్లో దీర్ఘకాల స్థిరత్వం వస్తుంది. మ్యూచువల్ ఫండ్స్ కేవలం ఫైనాన్షియల్ రిటర్న్స్ ఇస్తాయి, కానీ రియల్ ఎస్టేట్ కుటుంబానికి ఒక భౌతిక భద్రత, భావోద్వేగ విలువని కూడా అందిస్తుంది.