Spicejet: Q3లో స్పైస్‌జెట్ బంపర్ లాభాలు.. ఎగబడి కొంటున్న ఇన్వెస్టర్లు..

Spicejet: దేశంలోని బడ్జెట్ విమానయాన సంస్థ స్పైస్‌జెట్ తన డిసెంబర్ త్రైమాసిక ఆర్థిక ఫలితాలను విడుదల చేసింది. ఈ క్రమంలో కంపెనీ మంచి లాభాలను నమోదు చేసింది.

క్యూ-3 ఫలితాలు..

ఎయిర్‌లైన్ ఆపరేటర్ స్పైస్‌జెట్ ఫిబ్రవరి 24న డిసెంబర్ 2022తో ముగిసిన త్రైమాసికంలో ఏకీకృత నికర లాభంలో 160 శాతం పెరిగింది. ఈ క్రమంలో లాభం రూ.110 కోట్లుగా నమోదైంది. కిందటి ఏడాది ఇదే కాలంలో కంపెనీ నికర లాభం కేవలం రూ.42 కోట్లుగా ఉంది.

పరుగులు తీసిన స్టాక్..

కంపెనీ తన ఫలితాల వివరాలను ప్రకటించటంతో స్పైస్ జెట్ కంపెనీ షేర్లు 10 శాతానికి పైగా లాభపడ్డాయి. ఈ క్రమంలో 3.16 గంటల సమయంలో స్టాక్ 11.72 శాతం మేర లాభచపడి రూ.39.55 వద్ద ట్రేడవుతోంది. కార్యకలాపాల ద్వారా కంపెనీ ఆదాయం రూ.2,316.8 కోట్లకు చేరుకుంది. కంపెనీ Q2 FY23లో రూ.1,954 కోట్ల ఆదాయంపై రూ. 833 కోట్ల నష్టాన్ని నమోదు చేసింది.

కంపెనీ యాజమాన్యం..

తాము నిర్ధేశించుకున్న కార్యాచరణ లక్ష్యాలను అధిగమించామని స్పైస్‌జెట్ ఛైర్మన్ & మేనేజింగ్ డైరెక్టర్ అజయ్ సింగ్ వెల్లడించారు. సాటిలేని పనితీరుతో 2022లో ప్రతి ఒక్క నెలలో అత్యధిక లోడ్ ఫ్యాక్టర్‌తో కొనసాగినట్లు ఆయన వెల్లడించారు. ప్యాసింజర్, కార్గో వ్యాపారాల్లో బలమైన పనితీరు కారణంగా లాభాలను నమోదు చేయగలిగినట్లు ఈ సందర్భంగా తెలిపారు.