budget 2025: బడ్జెట్‌కు ముందు ప్రవేశపెట్టె ఆర్థిక సర్వే ఏంటి ? ఇందులో ఇంత మ్యాటర్ ఉంటుందా..

కొత్త సంవత్సరం మొదటి నెల అంటే జనవరి నుండి రోజులు వేగంగా గడుస్తున్నాయి. దీంతో పాటు ఫిబ్రవరి 1న ప్రవేశపెట్టనున్న దేశ బడ్జెట్‌పై కూడా ఉత్కంఠ పెరుగుతోంది. ఆర్థిక మంత్రి నిర్మలా సీతారామన్ ఈసారి బడ్జెట్లో ఎం ప్రతిపాదనలు ఉంచారో అందరూ తెలుసుకోవాలనుకుంటున్నారు. అయితే ఈసారి ఆదాయపు పన్నులో మినహాయింపు ఉంటుందా, ద్రవ్యోల్బణం తగ్గింపు దిశగా ఏమైనా చర్యలు తీసుకుంటారా ? ఇవి ఎక్కువగా చర్చించబడుతున్న కొన్ని ప్రశ్నలు...

ఇలా సంప్రదాయంగా మారింది
ప్రతి సంవత్సరం దేశ బడ్జెట్‌ను ప్రవేశపెట్టే ముందు ప్రభుత్వం ఆర్థిక సర్వేను పార్లమెంట్‌లో ప్రవేశపెడుతుంది. దేశంలో ఆర్థిక సర్వే మొదటిసారిగా 1950-51లో ప్రవేశపెట్టారు, అప్పటి నుండి ఇప్పటి వరకు ఈ సంప్రదాయం కొనసాకుతూనే ఉంది. ఆర్థిక సర్వే అంటే ఏమిటి, అది ఎందుకు ముఖ్యం అంటే...

ఇందులో ఏం జరుగుతుంది?
మీరు ఈ ఆర్థిక సర్వేను ప్రభుత్వ నివేదికగా పరిగణించవచ్చు. ఇందులో గత ఆర్థిక సంవత్సరం పనితీరును సమీక్షించడంతో పాటు, భవిష్యత్తులో వృద్ధి అవకాశాలపై అధికారిక రివ్యూ ఇస్తుంది. దీని ద్వారా దేశ ఆర్థిక వ్యవస్థ తాజా స్థితి గురించి ప్రభుత్వం చెబుతుంది. ఆర్థిక సర్వేలో ఏ రంగం నుంచి ఎంత ఆదాయం వచ్చిందో, సవాళ్లు ఏంటో తెలుపుతుంది. ఆర్థిక పురోగతికి ఆటంకం కలిగించే అంశాలు ఏమిటి ఇంకా వాటిని ఎలా తొలగించవచ్చు?

ఆర్థిక వ్యవస్థ పూర్తి వేగంతో నడవడానికి ఎలాంటి చర్యలు తీసుకోవాలో కూడా ఈ సర్వే హైలైట్ చేస్తుంది. ఆర్థిక సర్వేను బడ్జెట్‌కు ప్రధాన ఆధారం అని కూడా అంటారు. సామాన్యుల దృష్టి నుంచి మాట్లాడితే, ఆర్థిక సర్వే అనేది ద్రవ్యోల్బణం ఇంకా నిరుద్యోగం వంటి ముఖ్యమైన గణాంకాల గురించి సమాచారాన్ని అందిస్తుంది. పెట్టుబడి, పొదుపు, ఖర్చుల గురించి కూడా మీకు ఒక ఆలోచన వస్తుంది.

పెట్టుబడిదారులకు ఆసక్తి కలిగించే విషయం
పెట్టుబడిదారుల దృష్టిలో ఈ సర్వే చాలా ప్రయోజనకరంగా ఉంది. ఏయే ప్రాంతాల్లో మంచి పెట్టుబడి అవకాశాలు ఉన్నాయో అర్థం చేసుకోవడానికి ఇది వారికి సహాయపడుతుంది. ఉదాహరణకు, మౌలిక సదుపాయాలపై ప్రభుత్వ దృష్టిని సర్వే ప్రస్తావిస్తే, భవిష్యత్తులో ఈ రంగానికి మంచి అవకాశాలు ఉండవచ్చు. మొత్తంమీద, ఆర్థిక సర్వే ప్రతి ఒక్కరూ తెలుసుకోవాల్సిన దేశం యొక్క ముఖ చిత్రాన్ని అందిస్తుంది.

ఇది ఇలా మొదలైంది
ఆర్థిక సర్వే ప్రధాన ఆర్థిక సలహాదారుల మార్గదర్శకత్వంలో తయారు చేయబడుతుంది. 1950-51 ఆర్థిక సంవత్సరంలో దేశ ఆర్థిక సర్వే మొదటిసారిగా సమర్పించారు. మొదట్లో బడ్జెట్‌ రోజునే ఈ సర్వే సమర్పించేవారు, అయితే 1964 నుంచి బడ్జెట్‌కు ఒకరోజు ముందు సమర్పించడం ప్రారంభించారు.