అసలు ఎకనామిక్ సర్వే అంటే ఏంటి.. బడ్జెట్ ముందు దీనిని ఎందుకు ప్రవేశపెడతారు..

భారతదేశ కేంద్ర ఆర్థిక మంత్రి నిర్మలా సీతారామన్ 2025-26 ఆర్థిక సంవత్సరానికి బడ్జెట్‌ను రేపు అంటే ఫిబ్రవరి 1న ప్రవేశపెట్టనున్నారు. అయితే దీనికంటే ఒక రోజు ముందు ఆర్థిక సర్వేను పార్లమెంట్‌లో ప్రవేశపెడతారు. ఇది గత ఆర్థిక సంవత్సరంలో దేశ ఆర్థిక అభివృద్ధిని సమీక్షించే ఆర్థిక సమాచార పత్రాలు. ఇది పరిశ్రమ, వ్యవసాయం, పారిశ్రామిక ఉత్పత్తి, ఉపాధి, ద్రవ్యోల్బణం ఇంకా ఎగుమతులు వంటి డేటా ఆధారంగా తయారు చేయబడుతుంది. ఆర్థిక వ్యవహారాల విభాగం ప్రధాన ఆర్థిక సలహాదారి మార్గదర్శకత్వంలో దీనిని సిద్ధం చేస్తుంది.

ఏదైనా బడ్జెట్‌కు ముందు, ఆర్థిక మంత్రి దేశ ఆర్థిక స్థితిగతుల చిత్రాన్ని పార్లమెంటులో ప్రదర్శిస్తారు. దీనినే ఆర్థిక సర్వే అంటారు. ఇందులో గత 12 నెలల కాలంలో దేశంలో అభివృద్ధి ఒరవడి ఏ విధంగా ఉంది, పథకాల అమలు తీరును సవివరంగా వివరిస్తారు. ఆర్థిక సర్వేను పార్లమెంటు ఉభయ సభల్లో సమర్పిస్తారు. ఈ సర్వే గత ఏడాది ఆర్థిక పురోగతికి సంబంధించిన వివరాలను అందజేస్తు, కొత్త ఆర్థిక సంవత్సరంలో ఆర్థికాభివృద్ధి పథం ఎలా ఉండబోతుందనే ఆలోచనను కూడా అందిస్తుంది.

ఆర్థిక సర్వే అంటే ఏమిటి?
ఆర్థిక సర్వే అనేది ఆర్థిక సమాచారం. ఇందులో గత ఆర్థిక సంవత్సరంలో దేశ ఆర్థికాభివృద్ధిని సమీక్షిస్తారు. ఇది పరిశ్రమ, వ్యవసాయం, పారిశ్రామిక ఉత్పత్తి, ఉపాధి, ద్రవ్యోల్బణం అలాగే ఎగుమతులు వంటి డేటా ఆధారంగా తయారు చేస్తారు. అంతేకాకుండా, ద్రవ్య సరఫరా అండ్ విదేశీ మారక నిల్వలు వంటి అనేక ఇతర అంశాలను కూడా పరిగణనలోకి తీసుకుంటారు.

ఈ సర్వేను ముఖ్య ఆర్థిక సలహాదారు మార్గదర్శకత్వంలో ఆర్థిక వ్యవహారాల విభాగం ఆర్థిక శాస్త్ర విభాగం సిద్ధం చేస్తుంది. దీని ద్వారా గత ఆర్థిక సంవత్సరం ఆర్థిక చిత్రాన్ని చెప్పడమే కాకుండా తదుపరి ఆర్థిక సంవత్సరం దిశ గురించి సమాచారాన్ని అందిస్తుంది. ఈసారి ఈ సర్వేను ముఖ్య ఆర్థిక సలహాదారి వి అనంత్ నాగేశ్వరన్ నేతృత్వంలో సిద్ధం చేశారు.

ఆర్థిక సర్వే ప్రాముఖ్యత ఏమిటి?
దేశ మొదటి ఆర్థిక సర్వే 1950-51లో సమర్పించారు. ఆ తర్వాత 1964 వరకు కేంద్ర బడ్జెట్‌తో పాటు సమర్పించారు. కానీ 1964 నుండి బడ్జెట్ నుండి వేరు చేసారు. ఇది దేశ ప్రస్తుత ఆర్థిక పరిస్థితిని అంచనా వేస్తుంది. అంతేకాకుండా దేశ ఆర్థిక వృద్ధిని పెంచడం అలాగే ఆర్థిక వ్యవస్థ సమస్యలు ఇంకా సవాళ్ల గురించి వివరణాత్మక సమాచారాన్ని కూడా అందిస్తుంది. దీని ద్వారా దేశంలోని విధాన రూపకర్తలకు మార్గనిర్దేశం చేయడానికి ఇంకా బడ్జెట్ నిర్ణయాలు తీసుకోవడంలో వారికి సహాయపడటానికి కారణం.