పార్లమెంట్ బడ్జెట్ సమావేశల షెడ్యూల్ ఇదే.. నిర్మలమ్మ ప్రకటనలపైనే అందరి ఫోకస్..

ఈసారి పార్లమెంట్‌లో బడ్జెట్ సమావేశాల మొదటి దశ జనవరి 31 నుండి ఫిబ్రవరి 13 వరకు కొనసాగుతుందని భావిస్తున్నారు. అయితే ఫిబ్రవరి 1న కేంద్ర ఆర్థిక మంత్రి నిర్మలా సీతారామన్ 2025-26 బడ్జెట్‌ను ప్రవేశపెట్టనున్నారు. అదేవిధంగా సాధారణ పౌరులు ఇంకా పెద్ద వ్యాపార సంస్థలు కూడా ఈ బడ్జెట్‌పై భారీ అంచనాలు పెట్టుకున్నాయి. ఈ బడ్జెట్లో కేంద్ర ఆర్థిక మంత్రి ఎలాంటి మార్పులు తీసుకొస్తారోనని ప్రజలు ఎంతో ఆసక్తిగా ఎదురుచూస్తున్నారు. రాష్ట్రపతి ద్రౌపది ముర్ము జనవరి 31న లోక్‌సభ, రాజ్యసభ సమావేశాలన్ని ఉద్దేశించి ప్రసంగిస్తారు, అనంతరం కేంద్ర ఆర్థిక సర్వేను ప్రవేశపెడతారు.

బడ్జెట్ సెషన్ టైమ్‌లైన్
బడ్జెట్ సెషన్ రెండవ దశ మార్చి రెండవ వారం నుండి ఏప్రిల్ మొదటి వారం మధ్య అంటే మార్చి 10 నుండి ఏప్రిల్ 4 వరకు జరిగే అవకాశం ఉంది. తొలిదశలో ఉభయ సభల్లో జరిగే చర్చ రాష్ట్రపతి ప్రసంగానికి కృతజ్ఞతలు తెలియజేయడంపై దృష్టి సారిస్తుంది, అలాగే ఉభయ సభలలో ప్రధానమంత్రి స్పందనతో ముగుస్తుంది. రాబోయే బడ్జెట్ ప్రెజెంటేషన్ కోసం ఎదురుచూపులు పెరుగుతున్నందున, జీతాలు తీసుకునే వ్యక్తులు ఆదాయపు పన్ను మినహాయింపు గురించి ఊహాగానాలు చేస్తున్నారు. పన్ను మినహాయింపుల విషయంలో ఈ ఏడాది బడ్జెట్ కొంత ఊరటనిస్తుందని పలువురు ఆశాభావం వ్యక్తం చేస్తున్నారు.

శీతాకాలపు సమావేశాల అప్ డేట్
25 నవంబర్ నుండి 21 డిసెంబర్ 2024 వరకు జరిగిన శీతాకాల సమావేశాలలో చాలా గందరగోళం నెలకొంది. ఈ 26 రోజుల వ్యవధిలో లోక్‌సభ 20, రాజ్యసభ 19 సమావేశాలు జరిగాయి. లోక్‌సభలో ఐదు బిల్లులు ప్రవేశపెట్టగా నాలుగు బిల్లులు మాత్రమే ఆమోదం పొందగా రాజ్యసభలో మూడు బిల్లులు మాత్రమే ఆమోదం పొందాయి.

శీతాకాల సమావేశాల్లో అధికార, విపక్షాల మధ్య వాగ్వాదం చోటుచేసుకున్నప్పటికీ బడ్జెట్ సమావేశాలు సజావుగా సాగుతాయని ఆశలు చిగురించాయి. ఈ సెషన్ మొదటి భాగం 31 జనవరి 2025న ప్రారంభమై ఫిబ్రవరి 13న ముగుస్తుంది, రెండవ భాగం మార్చి 10న ప్రారంభమై ఏప్రిల్ 4న ముగుస్తుంది. కేంద్ర ఆర్థిక మంత్రి నిర్మలా సీతారామన్ ఫిబ్రవరి 1న తన వరుస ఎనిమిదో బడ్జెట్‌ను ప్రవేశపెట్టేందుకు సన్నాహాలు చేస్తున్నారు. ఈ బడ్జెట్ రాబోయే సంవత్సరంలో భారతదేశానికి ఆర్థిక ప్రాధాన్యతలను సెట్ చేస్తుంది కాబట్టి ఎంతో ఆసక్తిగా ప్రజలు ఎదురుచూస్తున్నారు.