ఉక్రెయిన్‍‌తో యుద్ధం, రష్యన్ చమురు సంస్థకు BP గుడ్‌బై

ఉక్రెయిన్-రష్యా యుద్ధం నేపథ్యంలో BP.. రష్యన్ ప్రభుత్వ ఆదీనంలోని చమురు సంస్థ రోస్‌నెఫ్ట్‌లో తన 19.75 శాతం వాటాను వెనక్కి తీసుకోనుంది. గత వారం పుతిన్ యుద్ధ ప్రకటన తర్వాత నుండి BP పైన యూకే ప్రభుత్వం నుండి ఒత్తిడి పెరిగింది. 2013 నుండి ఇది ఈ రష్యా చమురు సంస్థలో వాటాలను కలిగి ఉంది. ఇదిలా ఉండగా, నార్వేజియన్ ఎనర్జీ దిగ్గజం ఈక్వినార్.. రష్యాలోని తమ జాయింట్ వెంచర్స్ నుండి తొలగించే ప్రక్రియను ప్రారంభిస్తామని తెలిపింది.

బీపీ చీఫ్ ఎగ్జిక్యూటివ్ బెర్నార్డ్ లూనే తాజాగా రోస్‌నెఫ్ట్ బోర్డు నుండి తక్షణమే తొలగుతున్నట్లుగా పేర్కొంటు రాజీనామా చేశారు. ఈ అంశంపై రోస్‌నెఫ్ట్ స్పందిస్తూ.. మూడు దశాబ్దాలుగా విజయవంతమైన సహకారం దెబ్బతిన్నదన్నారు. రష్యన్ ప్రభుత్వం నుండి వచ్చిన రాజకీయ ఒత్తిడి కారణంగా బీపీ నిర్ణయం తీసుకుందని ఆరోపించారు. లూనీ 2020 నుండి రోస్‌నెఫ్ట్ బోర్డులో ఉన్నారు.

రష్యన్ గవర్నమెంట్ చమురు దిగ్గజం రోస్‌నెఫ్ట్‌లో బీపీ వాటా చాలా కాలంగా అసౌకర్యంగా కనిపిస్తోందనే వాదనలు ఉన్నాయి. అయితే ఇప్పుడు రష్యా-ఉక్రెయిన్ యుద్ధం నేపథ్యంలో ఇది తీవ్రంగా మారిందని చెబుతున్నారు.