షాకింగ్ సర్వే రిపోర్ట్.. దేశంలో ఆడోళ్లు మగోళ్లు ఎలాంటి యాప్స్ వాడుతున్నారో తెలుసా..?

Mobile Apps: దేశంలో ప్రజలు తమ స్మార్ట్ ఫోన్లలో ఎలాంటి యాప్స్ ఎక్కువగా వినియోగిస్తున్నారనే విషయంపై బాబుల్ AI ఒక నివేదికను విడుదల చేసింది. కంపెనీ దేశంలోని 8.5 కోట్ల ఆండ్రాయిడ్ స్మార్ట్‌ఫోన్‌ల వివరాలను విశ్లేషణ ఫలితాల ఆధారంగా రిపోర్ట్ వెలువడింది.

తాజా విశ్లేషణ ప్రకారం భారతీయ పురుషులు ఎక్కువగా గేమింగ్ యాప్స్ వినియోగిస్తున్నారని తేలింది. ఇక ఆడవాళ్ల విషయానికి వస్తే వారు తమ స్మార్ట్‌ఫోన్లలో ఫుడ్, మెసేజింగ్ యాప్స్ అధికంగా వాడటానికి ఇష్టపడ్డారని తేలింది. ఇదే క్రమంలో దేశీయ స్మార్ట్‌ఫోన్‌లపై వినియోగదారులు వెచ్చిస్తున్న సమయం 50 శాతం గత ఏడాది పెరిగినట్లు వెలుగులోకి వచ్చింది.

దేశంలోని 11.3 శాతం మంది మహిళలు మాత్రమే డిజిటల్ చెల్లింపుల కోసం స్మార్ట్‌ఫోన్‌లను ఉపయోగించినట్లు తేలింది. అలాగే కేవలం 6.1 శాతం మంది మహిళలు మాత్రమే గేమింగ్ యాప్స్ వినియోగంలో క్రియాశీలంగా ఉన్నట్లు నివేదిక వెల్లడించింది. ఇదే సమయంలో కమ్యూనికేషన్ యాప్స్ వినియోగంలో 23.3 శాతం, వీడియో యాప్స్ 21.7 శాతం, ఫుడ్ యాప్స్ 23.5 శాతం మంది మహిళలు వినియోగిస్తున్నట్లు గణాంకాలు చెబుతున్నాయి.

ప్రధానంగా ఎక్కువ మంది వీడియో కంటెంట్ క్రియేషన్ యాప్స్ వినియోగం కూడా ఇందులో ఉండవచ్చని తెలుస్తోంది. రిపోర్టును సిద్ధం చేసే క్రమంలో రీసెర్చ్ సంస్థ 2022, 2023లో మెుబైల్ వినియోగదారుల్లో వచ్చిన మార్పుల ట్రెండ్స్ ను పరిగణలోకి తీసుకున్నట్లు తెలుస్తోంది.