Mutual Funds: ఏడాదిలో 40 శాతం రాబడినిచ్చిన ఫండ్.. ఇన్వెస్టర్లకు కనకవర్షం కురిపించింది..

BNP Paribas Multicap Fund: ఇప్పుడు పెట్టుబడి సాధనాల్లో బాగా ట్రెండీగా మారినవి మ్యూచువల్ ఫండ్స్. ఈక్విటీ మార్కెట్లలో నేరుగా డబ్బు పెట్టడం కంటే మ్యూచువల్ ఫండ్లను నమ్ముకోవటం మంచిదని చాలా మంది పెట్టుబడిదారులు భావిస్తున్నారు. నిదానమే ప్రధానంగా.. అంటూ దీర్ఘకాలిక వ్యూహాలను కలిగిన వ్యక్తులు తమ డబ్బును వీటిలో పార్క్ చేస్తున్నారు. ఒక్క మాటలో చెప్పాలంటే ఎన్నడూ చూడని స్థాయిలో మ్యూచువల్ ఫండ్ ఇన్ ఫ్లోలను చూస్తున్నాయి.

అయితే ఇక్కడ తన అద్భుతమైన పనితీరుతో ఇన్వెస్టర్లను ఆకర్షిస్తున్న ఒక మ్యూచువల్ ఫండ్ స్కీమ్ ఉంది. ఇప్పుడు మనం మాట్లాడుకోబోతున్నది బీఎన్పీ పరిబాస్ మల్టీక్యాప్ ఫండ్ గురించే. మల్టీక్యాప్ కేటగిరీకి చెందిన ఈ ఫండ్ తన పెట్టుబడిదారులకు గడచిన ఒక్క సంవత్సర కాలంలో 40.29 శాతం రాబడిని అందించి అబ్బురపరిచింది. ప్రస్తుతం స్టాక్ మార్కెట్లలో పతనం కొనసాగుతున్నప్పటికీ ఫండ్ మాత్రం మెరుగైన రాబడిని అందిస్తోంది. వాస్తవానికి ఈ ఫండ్ రెండు దశాబ్ధాల కిందట 2003లో ప్రారంభించబడింది. ఈ కాలంలో చాలా మంది పెట్టుబడిదారులను తన రాబడులతో లక్షాధికారులుగా మార్చేసింది.

వాస్తవానికి ఒక మల్టీక్యాప్ ఫండ్ ఏకకాలంలో లార్జ్ క్యాప్, మిడ్ క్యాప్ అండ్ స్మాల్ క్యాప్‌ కేటగిరీల్లో ఏకకాలంలో పెట్టుబడులు కలిగి ఉంటుంది. మార్కెట్లో పరిస్థితులతో పాటు అనుకూలమైన వాల్యుయేషన్ కలిగిన స్టాక్స్ ఎక్కడ ఉన్నా ఈ ఫండ్స్ గుర్తించి ఇన్వెస్ట్ చేస్తుంది. గడచిన ఏడాది కాలంలో భారతీయ స్టాక్ మార్కెట్ల బుల్ ర్యాలీలో ఫండ్ చురుకైన పనితీరు ఇన్వెస్టర్లకు 40 శాతానికి పైగా రాబడిని తెచ్చిపెట్టింది. స్కీమ్ కింద ప్రస్తుతం రూ.2739 కోట్లు నిర్వహించబడుతున్నాయి. ఫండ్ తన మెుత్తం పెట్టుబడులను వివిధ రంగాల్లోని కంపెనీల్లో పెట్టుబడి పెట్టింది. రంగాల వారీగా పరిశీలిస్తే.. ఫైనాన్షియల్ 18.3 శాతం, క్యాపిటల్ గూడ్స్ 14.05 శాతం, సర్వీసెస్ 13.73 శాతం, హెల్త్‌కేర్ 9.46 శాతం, కన్స్యూమర్ 7.52 శాతం, ఎనర్జీ 7.1 శాతం, మెటల్ అండ్ మైనింగ్ 5.4 శాతం, టెక్నాలజీ 5.25 శాతం, ఆటోమొబైల్స్ 3.52 శాతం, కెమికల్స్ 2.97 శాతం పెట్టుబడులు కలిగి ఉన్నాయి.

ఎవరైనా ఇన్వెస్టర్ ఫండ్ ప్రారంభించిన నాటి నుంచి ఇప్పటి వరకు ప్రతి నెల ఎస్ఐపీ రూపంలో రూ.7000 పెట్టుబడిగా పెడుతూ వచ్చి ఉంటే దాని మార్కెట్ విలువ ప్రస్తుతం రూ.కోటికి చేరుకుని ఉండేది. ఈ సమయంలో పెట్టుబడిదారులు పెట్టిన సొమ్ము కేవలం రూ.17.64 లక్షలు మాత్రమే కావటం గమనార్హం. ఫండ్ ఎక్స్పెన్స్ రేషియో 0.93గా ఉంది.

Note: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. Goodreturns.in advises users to consult with certified experts before making any investment decision.