బిట్ కాయిన్ అదుర్స్, 52,000 డాలర్లకు సమీపంలో క్రిప్టో

క్రిప్టో కరెన్సీ దిగ్గజం బిట్ కాయిన్ దూసుకెళ్తోంది. గతవారం 50,000 డాలర్లని క్రాస్ చేసిన ఈ క్రిప్టో ఈ వారం ప్రారంభ సెషన్‌లోనే 52,000 డాలర్ల సమీపానికి చేరుకుంది. బిట్ కాయిన్ మే నెలలో ఆల్‌టైమ్ గరిష్టం 65,000 డాలర్లకు చేరుకొని, కొద్దిరోజులకు 30,000 డాలర్ల దిగువకు పడిపోయింది. మళ్లీ కోలుకుంది. చాలా రోజుల పాటు 30వేల డాలర్ల నుండి 40వేల డాలర్ల మధ్య కదలాడింది. గత నెల రోజులుగా 40వేల డాలర్లు దాటి, ఇప్పుడు 50వేల డాలర్లకు చేరుకుంది. ఇటీవల గత కొద్ది సెషన్లుగా 46,000 డాలర్ల నుండి 50,000 డాలర్ల మధ్య కనిపించి, ఇప్పుడు 52,000 డాలర్లకు అడుగు దూరంలో ఉంది. ఆ తర్వాత కాస్త క్షీణించినప్పటికీ మొత్తానికి లాభాల్లో ఉండటంతో పాటు 52,000 డాలర్లకు సమీపంలోనే ఉంది. బిట్ కాయిన్ గత 24 గంటల్లోనే 3.50 శాతం మేర లాభపడింది. గత ఏడు రోజుల కాలంలో ఇది 6.58 శాతం వృద్ధి నమోదు చేసింది. మార్కెట్ క్యాపిటలైజేషన్ 972.63 బిలియన్ డాలర్లుగా ఉంది. మార్కెట్ వాటా 41.63 శాతంగా ఉంది. క్రితం సెషన్‌తో పోలిస్తే మార్కెట్ వాటా 0.29 శాతం పెరిగింది.

ప్రస్తుతం 51,000 మార్కు దాటిన బిట్ కాయిన్ త్వరలోనే 55,000 దిశగా కనిపిస్తోందని, తదుపరి సైకలాజికల్ నిరోధకస్థాయి 55,000 డాలర్లుగా మార్కెట్ నిపుణులు చెబుతున్నారు బిట్ కాయిన్‌తోపాటు టాప్ 10 క్రిప్టోల్లో మిగతావి కూడా ఎక్కువగా లాభపడినట్లు చెబుతున్నారు. రెండో అతిపెద్ద క్రిప్టో ఎథేరియం 3,920.28 డాలర్లకు చేరుకుంది. గత ఇరవై నాలుగు గంటల్లో 0.54 శాతం వృద్ధిని నమోదు చేసింది. గత వారంరోజుల్లో 22.15 శాతం లాభపడింది. మార్కెట్ క్యాప్ 460.33 బిలియన్ డాలర్లుగా ఉంది.

మూడో అతిపెద్ద క్రిప్టో కార్డానో 2.89 డాలర్ల వద్దఉంది. వారం రోజుల్లో 1.08 శాతం లాభపడింది. బియాన్స్ కాయిన్ మూడు నుండి నాలుగో స్థానానికి పడిపోయింది. ఒకరోజులో 0.21 శాతం లాభపడి 98.47 డాలర్లకు చేరుకుంది. గత ఏడు రోజుల్లో 4.12 శాతంగా నమోదయింది.

ఉదయం సెషన్‌లో వివిధ క్రిప్టో కరెన్సీ వ్యాల్యూ

- Bitcoin BTC - $51,814.16 - 3.30 శాతం జంప్
- Ethereum ETH - $3,920.56 - 0.58 శాతం జంప్
- Cardano ADA - $2.89 - 0.86 శాతం జంప్
- Binance Coin BNB - $499.90 - 0.64 శాతం జంప్
- Tether USDT - $1.00 - 0.00 శాతం జంప్
- XRP - $1.33 - $5.10 శాతం జంప్
- Dogecoin - $0.31 - $4.35 శాతం జంప్
- Solana SOL - $140.81 - $1.87 శాతం డౌన్
- Polkadot DOT - $33.98 - 4.86 శాతం జంప్
- USD Coin USDC - $1.00 - 0.08 శాతం డౌన్