అప్పుడు వంద పెట్టి కొని ఉంటె నేడు లక్షలు..ఇన్వెస్టర్లకు కాసుల వర్షం కురిపిస్తున్న బిట్‌కాయిన్..

బిట్‌కాయిన్ తాజాగా $100 డాలర్లను తాకిన సంగతి మీకు తెలిసే ఉంటుంది. అయితే ఇప్పుడు బిట్‌కాయిన్ ప్రయాణం మాత్రం ఎవరు ఊహించని విధంగా మారింది. కానీ ఒకప్పుడు బిట్‌కాయిన్ ద్వారా పిజ్జా కొన్న సందర్భాలు కూడా ఉన్నాయి. ప్రస్తుతం బిట్‌కాయిన్ ఉన్న ప్రతి ఒక్కరు అదృష్టవంతులు అని చెప్పవచ్చు.

అమెరికా అధ్యక్ష ఎన్నికల్లో డొనాల్డ్ ట్రంప్ గెలిచిన తర్వాత క్రిప్టోకరెన్సీ బిట్‌కాయిన్ మళ్లీ వెలుగులోకి వచ్చింది. ఎన్నికల ఫలితాల తర్వాత బిట్‌కాయిన్ ధర కూడా గణనీయంగా పెరిగింది. గత 13 ఏళ్లుగా బిట్‌కాయిన్‌ ఇచ్చిన రిటర్న్‌లు చూస్తే ఎవరికైనా కళ్లు తెల్లబడాల్సిందే. 2011లో ఎవరైనా బిట్‌కాయిన్‌లో కేవలం రూ.100 పెట్టుబడి పెట్టుబడి పెట్టి ఉంటె అతను ఇప్పుడు కోటీశ్వరుడు అయ్యుండేవాడు. ఎందుకంటే అతని రూ.100 పెట్టుబడి ఇప్పుడు రూ.1.65 కోట్లుగా మారేది.

అయితే 2009లో బిట్‌కాయిన్‌ను ప్రారంభించారు, అప్పుడు దాని ప్రారంభ ధర సున్నా. 2024 నాటికి దీని ధర దాదాపు కోటి రూపాయలకు చేరుకుంది. నవంబర్ 24న బిట్ కాయిన్ ధర 97,654.9 డాలర్లు (దాదాపు రూ. 82.43 లక్షలు). బిట్‌కాయిన్ ప్రయాణం అద్భుతమైనది మాత్రమే కాదు షాకింగ్ కూడా.

రూ.100కి 2.22 బిట్‌కాయిన్‌లు
2011లో బిట్‌కాయిన్ విలువ కేవలం $1 డాలర్ మాత్రమే అంటే రూ.45.50. ఆ సమయంలో మీరు 100 రూపాయలకు 2.22 బిట్‌కాయిన్‌లను కొనొచ్చు. ఒక బిట్‌కాయిన్ ఇప్పుడు $97,654.9 డాలర్లకి చేరింది. అంటే 13 ఏళ్ల క్రితం కొన్న 2.22 బిట్ కాయిన్ల ధర ఇప్పుడు రూ.1.65 కోట్లు. అంటే బిట్‌కాయిన్‌లో రూ.100 ఇన్వెస్ట్ చేసే వ్యక్తి నేడు కోటీశ్వరుడు అయ్యుండేవాడు.

2020లో కరోనా ఇన్ఫెక్షన్ కారణంగా లాక్ డౌన్ వల్ల ప్రపంచవ్యాప్తంగా ఆర్ధిక సమస్యలు ఎదురయ్యాయి. అయితే ఈ కాలంలోనే బిట్‌కాయిన్ వృద్ధి చెందడం కనిపించింది. అదే సంవత్సరం ప్రారంభంలో బిట్‌కాయిన్ ధర $7,100 చివరి నాటికి $29,000కి చేరుకుంది. అంటే దాదాపు 400% భారీ పెరిగింది. చివరికి 2021లో బిట్‌కాయిన్ కొత్త రికార్డులను నెలకొల్పి $40,000కి చేరుకుంది. ఏప్రిల్ నాటికి $60,000 మార్కును దాటి 2022, 2023లో క్షీణించడం ప్రారంభించింది. 2022 చివరిలో $20,000 దిగువకు పడిపోయింది ఇంకా 2023 ప్రారంభంలో $16,530కి పడిపోయింది.

డొనాల్డ్ ట్రంప్ విజయం ఇచ్చిన బూస్ట్
బిట్‌కాయిన్ తాజా పెరుగుదల రహస్యం అమెరికా కొత్త అధ్యక్షుడు డొనాల్డ్ ట్రంప్ ఎన్నికల హామీలు. అమెరికాను "బిట్‌కాయిన్ అండ్ క్రిప్టోకరెన్సీ రాజధాని"గా మారుస్తానని ఆయన హామీ ఇచ్చారు. ఈ హామీ క్రిప్టో మార్కెట్లో పెట్టుబడిదారుల అంచనాలను పెంచింది. ఎన్నికల తర్వాత బిట్‌కాయిన్ ధర దాదాపు ఏకంగా 40% పెరిగింది.