70,000 డాలర్లకు చేరువలో బిట్ కాయిన్, ఎథేరియం ఆల్ టైమ్ గరిష్టం

క్రిప్టో కరెన్సీ పరుగు కొనసాగుతోంది. క్రిప్టో దిగ్గజం బిట్ కాయిన్ 70,000 డాలర్ల సమీపానికి చేరుకుంది. ఈ వరల్డ్ లార్జెస్ట్ క్రిప్టో కరెన్సీ గత మే నెలలో 65,000 డాలర్లకు చేరుకొని, రికార్డ్ సృష్టించింది. ఇటీవల 67,000 డాలర్లతో ఆల్ టైమ్ గరిష్టానికి చేరుకుంది. తాజాగా 68,000 డాలర్లు క్రాస్ చేసింది. ప్రారంభ సెషన్‌లో 68,564 డాలర్ల వద్ద ట్రేడ్ అయినప్పటికీ ఆ తర్వాత 3.20 శాతం లాభపడి 67,869.06 డాలర్ల వద్ద ట్రేడ్ అవుతోంది. బిట్ కాయిన్ మార్కెట్ క్యాపిటలైజేషన్ 1.3 ట్రిలియన్ డాలర్లకు చేరువైంది. ట్రేడ్ వ్యాల్యూమ్ 1.63 బిలియన్ డాలర్లుగా ఉంది.

రెండో అతిపెద్ద క్రిప్టో కరెన్సీ ఎథేరియం 4,825 డాలర్లకు చేరుకుంది. ఆ తర్వాత 4,797.50 డాలర్ల వద్ద ట్రేడ్ అయింది. క్రితం సెషన్ కంటే 1.27 శాతం అధికం. ఎథేరియం మార్కెట్ క్యాపిటలైజేషన్ 563.68 డాలర్లుగా ఉంది. ట్రేడింగ్ వ్యాల్యూమ్ 1.0 బిలియన్ డాలర్లు. బిట్ కాయిన్, ఎథేరియం జూన్ నెల నుండి రెండింతలు పెరిగాయి. అక్టోబర్ నుండి ఇప్పటి వరకు 70 శాతం లాభపడ్డాయి.

వివిధ క్రిప్టో కరెన్సీ వ్యాల్యూ

- Bitcoin - 67,917.50 డాలర్లు - 2.93% జంప్

- Ether - 4,788.86 డాలర్లు - 1.28% జంప్

- Dogecoin - 0.280026 డాలర్లు - 2.07% జంప్

- Litecoin - 247.04 డాలర్లు - 18.47 జంప్

- XRP - 1.25 డాలర్లు - 2.16 జంప్

- Cardano - 2.25 డాలర్లు - 10.17 జంప్