నిన్న పతనమై, నేడు భారీగా లాభపడిన బిట్ కాయిన్, ఎథేరియం, ఇతర క్రిప్టోలు

క్రిప్టో కరెన్సీ సానుకూలంగా ఉంది. బిట్ కాయిన్, ఎథేరియం సహా వివిధ కీలక క్రిప్టో కరెన్సీలు 4 శాతం నుండి 11 శాతం మేర లాభపడ్డాయి. అయితే రష్యా-ఉక్రెయిన్ యుద్ధ వాతావరణం నేపథ్యంలో నిన్న భారీగా పతనమయ్యాయి. అయితే ఆ దేశాల మధ్య ఉద్రిక్తతలు తగ్గినట్లుగా వార్తలు రావడంతో క్రిప్టో మళ్లీ పుంజుకుంది. క్రిప్టో దిగ్గజం బిట్ కాయిన్ నిన్న ఉద్రిక్తతల నేపథ్యంలో 42,000 డాలర్ల దిగువకు పడిపోయింది. నేడు పరిస్థితి సద్దుమణిగిన తర్వాత 44,000 డాలర్లు దాటింది.

ఈ వార్త రాసే సమయానికి బిట్ కాయిన్ 4.24 శాతం లాభపడి 44,240 డాలర్ల వద్ద ట్రేడ్ అయింది. గత 24 గంటల్లో కనిష్టం 41,841 డాలర్లు, గరిష్టం 44,438 డాలర్లు. గడిచిన ఇరవై నాలుగు గంటల్లో బిట్ కాయిన్ మార్కెట్ క్యాప్ 839 బిలియన్ డాలర్లు పెరిగింది. 52 వారాల కనిష్టం 52,537 డాలర్లు, గరిష్టం 68,990 డాలర్లు. అయితే బిట్ కాయిన్ 2022 క్యాలెండర్ ఏడాదిలో మాత్రం 4.30 శాతం తగ్గింది.

ఇతర క్రిప్టోల విషయానికి వస్తే ఎథేరియం 6.22 శాతం ఎగిసి 3111 డాలర్లు, ఎక్స్‌పీఆర్ 4.38 శాతం లాభపడి 0.833 డాలర్లు, సోలానా 8.24 శాతం ఎగిసి 102.20 డాలర్లు, టెర్రా 7.73 శాతం లాభపడి 56.40 డాలర్లు, కార్డానో 4.27 శాతం ఎగిసి 1.09 డాలర్లు, అవాలాంచె 11.21 శాతం ఎగిసి 88.35 డాలర్లు, స్టెల్లార్ 3.32 శాతం లాభపడి 0.218 డాలర్లు, పోల్కాడాట్ 6.72 శాతం ఎగిసి 19.79 డాలర్లు, డోజీకాయిన్ 2.82 శాతం ఎగిసి 0.1500 డాలర్లు, షిబా ఇను 2.77 శాతం ఎగిసి 0.000031 డాలర్ల వద్ద ట్రేడ్ అయింది.