భారీగా ఎగిసి, స్వల్పంగా నష్టపోయిన క్రిప్టో కరెన్సీ: బిట్ కాయిన్ సహా ఏ కరెన్సీ ఎంత తగ్గిందంటే

నిన్నటి వరకు ఎగిసిపడిన క్రిప్టో కరెన్సీ నేడు క్షీణించింది. క్రిప్టో కింగ్ బిట్ కాయిన్ సహా అన్ని క్రిప్టోలు పతనమయ్యాయి. కేవలం యూఎస్‌డీ కాయిన్ మాత్రమే దాదాపు స్థిరంగా ఉంది. అత్యధికంగా పోల్కాడాట్ 10 శాతానికి పైగా, డోజీకాయిన్ దాదాపు పది శాతం క్షీణించింది. గతవారం ఇన్వెస్టర్లు 22.1 మిలియన్ డాలర్ల క్రిప్టో కరెన్సీ ఫండ్స్‌ను వెనక్కి తీసుకున్నారు. గతవారం బిట్ కాయిన్ 42,924 నుండి నిన్న 47,831 డాలర్ల స్థాయికి చేరుకుంది. అయితే నేడు మళ్లీ 47,000 డాలర్ల దిగువకు పడిపోయింది. ప్రపంచ అతిపెద్ద క్రిప్టో కరెన్సీ బిట్ కాయిన్ నుండి క్రితం సెషన్లో 22 మిలియన్డాలర్లు, ఎథేర్ నుండి 1.1 మిలియన్ డాలర్ల మేర వెనక్కి తీసుకున్నట్లు డేటా వెల్లడిస్తోంది.

డిజిటల్ అసెట్ మేనేజర్ క్రమంగా మెరుగుపడుతోందని, క్రిప్టో కరెన్సీ ప్రోత్సాహకరంగా ముందుకు సాగుతోందని క్రిప్టో మార్కెట్ నిపుణులు చెబుతున్నారు. 4.5 బిలియన్ డాలర్లకో ప్రపంచ రెండో అతిపెద్ద డిజిటల్ అసెట్ మేనేజర్ అయిన కాయిన్ షేర్స్ నుండి గతవారం ఔట్ ఫ్లో 16 మిలియన్ డాలర్లుగా ఉంది. ప్రపంచ బిగ్గెస్ట్ డిజిటల్ అసెట్ మేనేజర్ గ్రేస్కేల్ ఇన్‌ఫ్లో కేవలం 0.3 డిలియన్ డాలర్లుగా మాత్రమే ఉంది. వివిధ క్రిప్టో కరెన్సీ వ్యాల్యూ ఇలా ఉంది...

- Bitcoin - $45,038.10 - 3.04 శాతం క్షీణించింది.
- Ethereum - $3,039.61 - 4.88 శాతం క్షీణించింది.
- Binance Coin - $396.30 - 7.19 శాతం క్షీణించింది.
- Tether - $1.00 - 0.01 శాతం క్షీణించింది.
- Cardano - $1.98 - 6.83 శాతం క్షీణించింది.
- Dogecoin $0.29 9.95 శాతం క్షీణించింది.
- XRP - $1.11 - 8.19 శాతం క్షీణించింది.
- Polkadot - $23.96 - 10.47 శాతం క్షీణించింది.
- USD Coin - $1.00 - 0.01 శాతం క్షీణించింది.
- Solana - $66.23 - 7.98 శాతం క్షీణించింది.