కుప్పకూలిన బిట్ కాయిన్.. గంటల వ్యవధిలో 600 బిలియన్ డాలర్ల నష్టం..ఈ చిన్న క్రిప్టోలు భారీ లాభాల్లో..

గత శుక్రవారం నుండి క్రిప్టోకరెన్సీ మార్కెట్ తీవ్ర ఒత్తిడిని ఎదుర్కుంటోంది. కాయిన్‌గెకో డేటాను విశ్లేషిస్తూ బ్లూమ్‌బెర్గ్ ప్రచురించిన కథనం ప్రకారం.. ప్రపంచ క్రిప్టో మార్కెట్ మొత్తం 600 బిలియన్ డాలర్లకు పైగా మార్కెట్ క్యాపిటలైజేషన్‌ను కోల్పోయిందని నివేదించింది. ఈ నష్టానికి ప్రధాన కారణం బిట్‌కాయిన్ (BTC) ధరలో వచ్చిన గణనీయమైన పతనమేనని చెప్పవచ్చు.

కొద్ది రోజుల క్రితం వరకు $110,000 పైన ట్రేడింగ్‌లో ఉన్న బిట్‌కాయిన్ అకస్మాత్తుగా $105,000 మార్క్ కంటే దిగువకు పడిపోయింది. ఈ పతనం పెట్టుబడిదారులలో తీవ్ర ఆందోళనను రేకెత్తించింది. మార్కెట్‌లో లివరేజ్‌డ్ పొజిషన్ల కారణంగా అనేక మంది ట్రేడర్లు మిలియన్ల డాలర్ల నష్టాన్ని ఎదుర్కొన్నారు. కేవలం కొన్ని గంటల్లోనే లాంగ్ పొజిషన్లలో ఉన్న భారీ మొత్తాలు లిక్విడేట్ అయ్యాయి. ఇది అమ్మకాల ఒత్తిడిని మరింత పెంచిందని చెప్పవచ్చు.

మార్కెట్ విశ్లేషకుల ప్రకారం.. ఈ మార్కెట్ దిద్దుబాటుకు పలు అంశాలు కారణమయ్యాయి. వాటిల్లో భౌగోళిక రాజకీయ ఉద్రిక్తతలు, ప్రధాన ఆర్థిక వ్యవస్థల నుండి పెరుగుతున్న నియంత్రణ పరిశీలన, ప్రపంచ ఆర్థిక మార్కెట్లలో రిస్క్-ఆఫ్ సెంటిమెంట్ వంటివి ఉన్నాయి. ఈ అంశాల మిశ్రమం క్రిప్టో మార్కెట్‌పై ప్రతికూల ప్రభావం చూపింది. అనేక మంది ఇన్వెస్టర్లు లాభాలను బుక్ చేసుకోవడం ప్రారంభించడంతో మార్కెట్‌లో ద్రవ్యత తగ్గి, పతనం వేగంగా జరిగింది.

బిట్‌కాయిన్‌తో పాటు, Ethereum (ETH), Solana (SOL), XRP, Avalanche (AVAX), Dogecoin (DOGE) వంటి ప్రధాన ఆల్ట్‌కాయిన్లు కూడా రెండు అంకెల నష్టాలు నమోదు చేశాయి. ETH, SOL లాంటి టోకెన్లు 8 నుండి 12 శాతం వరకు తగ్గిపోయాయి. మార్కెట్ మొత్తం భయంతో అమ్మకాల వాతావరణంలోకి వెళ్లిపోయింది.

ఇటీవలి రోజుల్లో Bitcoin వ్యవస్థాపకుడు సతోషి నకమోటోతో సంబంధం ఉన్న పాత వాలెట్ల నుండి పెద్ద మొత్తంలో బిట్‌కాయిన్ కదిలించబడిందని పుకార్లు వ్యాపించాయి. ఇవి ధృవీకరించబడకపోయినా, ఈ వార్తలు పెట్టుబడిదారుల్లో తీవ్ర భయాందోళన రేకెత్తించాయి. నిద్రాణ నాణేలు అమ్మకానికి వస్తే మార్కెట్ మరింత కూలిపోతుందా?" అనే సందేహం ఇన్వెస్టర్ల మనోభావాన్ని ఒక్కసారిగా మార్చేసింది. ఇంత భారీ దెబ్బతిన్న మార్కెట్‌లో కూడా కొన్ని చిన్న క్రిప్టోకరెన్సీలు ఆశ్చర్యకరంగా పెరుగుదలను చూపాయి. వాటిలో ముఖ్యమైనవి ఏమిటంటే.. TURBO BOME, BullRun Meme, DOGO, Black Phoenix, Rifampicin USD,Michi USD,PENGU AI వంటివి ఉన్నాయి. ఈ టోకెన్లు గత 24 గంటల్లో 30 శాతం నుండి 120 శాతం వరకు పెరుగుదలను నమోదు చేశాయి.

క్రిప్టో అనలిటిక్స్ ప్లాట్‌ఫారమ్‌ల ప్రకారం.. చిన్న కేప్ మీమ్ టోకెన్లు, AI ఆధారిత ప్రాజెక్టులు పెట్టుబడిదారుల దృష్టిని ఆకర్షిస్తున్నాయి. మార్కెట్ విశ్లేషకులు చెబుతున్న వివరాల ప్రకారం.. బిట్‌కాయిన్ ధరలోని ఈ పతనం దీర్ఘకాల బుల్ రన్‌కు తాత్కాలిక విరామం మాత్రమే కావచ్చు.ఫెడ్ వడ్డీ రేట్ల నిర్ణయాలు, యుఎస్ ఆర్థిక సూచీలు, మరియు క్రిప్టో నియంత్రణలపై వచ్చే అప్‌డేట్‌లు మార్కెట్ దిశను నిర్ణయిస్తాయని చెబుతున్నారు. తాత్కాలికంగా మార్కెట్ "రెడ్ జోన్"లో ఉన్నప్పటికీ కొన్ని ఇన్వెస్టర్లు ఈ దశను కొనుగోలు అవకాశంగా చూస్తున్నారని తెలుస్తోంది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి