బిట్ కాయిన్ మహా పతనం: అయినా అప్పుడు కొంటే 800% రిటర్న్స్

బిట్ కాయిన్ వ్యాల్యూ రోజురోజుకూ క్షీణిస్తోంది. గత రెండు నెలల కాలంలో అత్యంత దారుణ పతనాన్ని చూసింది గత వారం. క్రితం వారం ఆద్యంతం బిట్ కాయిన్ పతనమైంది. చివరి సెషన్ శుక్రవారం ఏకంగా 7.9 శాతం పతనమై 47,525 డాలర్ల వద్ద కూడా ట్రేడ్ అయింది. అంతకుముందు వారం బిట్ కాయిన్ 64,870 డాలర్ల వద్ద ట్రేడ్ అయి ఆల్ టైమ్ గరిష్టాన్ని తాకింది. ఏప్రిల్ 14వ తేదీన ఈ మార్కును క్రాస్ చేసింది.

అయితే గతవారం ఏకంగా 20 శాతం మేర పడిపోయింది. టర్కీ రద్దు నిర్ణయం, జోబిడెన్ డబుల్ ట్యాక్స్ అంచనాల నేపథ్యంలో గత వారం అత్యంత దారుణ పతనాన్ని నమోదు చేసింది. బిట్ కాయిన్ 50 డే బిలోకు పడిపోయిందని, యావరేజ్ సపోర్ట్ దిశగా వెళ్తోందని మార్కెట్ నిపుణులు చెబుతున్నారు. ప్రధానంగా బిడెన్ ప్రభుత్వం క్యాపిటల్ గెయిన్ ట్యాక్స్‌ను 39.6 శాతానికి రెండింతలు చేస్తుందనే అంచనాలు భారీ ప్రభావం చూపాయి.

ఇటీవలి కాలంలో భారీగా పతనమైనప్పటికీ 2020 కరోనాకు ముందు బిట్ కాయిన్ కొనుగోలు చేసినవారు మాత్రం భారీగానే లాభపడినట్లు. ఇప్పటికైనా ఏడాది క్రితంతో పోలిస్తే దాదాపు 550 శాతం వరకు ఎగిసిపడింది. ఏప్రిల్ 2019లో బిట్ కాయిన్ కొనుగోలు చేసిన వారికి 800 శాతం రిటర్న్స్ వచ్చాయి.