Birla Vs Adani: అదానీకి పెద్ద షాక్ ఇచ్చిన బిర్లా గ్రూప్.. సిమెంట్ వ్యాపారంలో టేకోవర్..

Ultratech Cement: దేశంలో నిర్మాణాలు శరవేగంగా కొనసాగుతున్న వేళ ఇన్‌ఫ్రా రంగం ఊహించని వేగంతో పురోగమిస్తోంది. దీనిని క్యాష్ చేసుకునేందుకు ఇప్పటికే రంగంలోకి దిగిన అదానీ పలు కంపెనీలను కొనుగోలు చేసిన సంగతి తెలిసిందే.

అయితే భారత సిమెంట్ వ్యాపారంలో ప్రస్తుతం అల్ట్రాటెక్ సిమెంట్స్ అగ్ర వ్యాపార సంస్థగా కొనసాగుతోంది. దీని తర్వాత అదానీ సిమెంట్ పలు కంపెనీల వరుస కొనుగోళ్లతో ఎక్కువ ఉత్పత్తి సామర్థ్యాన్ని కలిగి ఉంది. అయితే సిమెంట్ రంగాన్ని శాశించేందుకు ప్రయత్నిస్తున్న గౌతమ్ అదానీ ప్రయత్నాలు కొనసాగుతుండగా దీనిని అడ్డుకునేందుకు ఆదిత్య బిర్లా గ్రూప్ రంగంలోకి దిగింది. ఆశ్చర్యకరంగా జార్ఖండ్‌కు చెందిన బర్న్‌పూర్ సిమెంట్ కంపెనీకి చెందిన సిమెంట్ గ్రైండింగ్ నిర్మాణాన్ని సుమారు రూ.169.79 కోట్లకు కొనుగోలు చేసినట్లు పేర్కొంది.

ఇది జరిగిన రెండు రోజులకే ఆదిత్య బిర్లా గ్రూప్‌కు చెందిన అల్ట్రాటెక్, పీకే బిర్లా గ్రూప్‌కు చెందిన కేసోరామ్ ఇండస్ట్రీస్ సిమెంట్‌ను హోల్‌సేల్ షేర్ స్వాప్ పద్ధతిలో కొనుగోలు చేస్తున్నట్లు వెల్లడించింది. ఇందుకోసం అల్ట్రాటెక్ కంపెనీ అప్పుతో సహా రూ.7,600 కోట్లకు కేజోరామ్ ఇండస్ట్రీస్‌ను కొనుగోలు చేసినట్లు సమాచారం. దీంతో కర్ణాటక, తెలంగాణలలో సంవత్సరానికి 10.75 మిలియన్ టన్నుల సిమెంట్ ఉత్పత్తి సామర్థ్యంతో రెండు ప్లాంట్‌లను కొనుగోలు చేసింది. దీని ద్వారా అల్ట్రాటెక్ కంపెనీ దక్షిణ భారత వ్యాపారంలో గొప్ప ఆధిపత్యంతో విస్తరించేందుకు ప్రయత్నాలను ముమ్మరం చేసింది.

కేజోరామ్ ఇండస్ట్రీస్ షేర్ హోల్డర్లకు ప్రతి 52 షేర్లకు గాను ఒక అల్ట్రాటెక్ సిమెంట్ ఇవ్వబడుతుంది. తాజా ట్రాన్సాక్షన్ ద్వారా 59.7 లక్షల అల్ట్రాటెక్ షేర్లను కేజోరామ్ ఇండస్ట్రీస్ ఇన్వెస్టర్లు పొందబోతున్నారు. ఫలితంగా రూ.5,400 కోట్ల విలువైన అల్ట్రాటెక్‌లో 2.2 శాతం షేర్లు ఇవ్వబడతాయి. ఈ వాటా బదిలీ తదుపరి 9-12 నెలల్లో పూర్తవుతుంది. ఓరియంట్ సిమెంట్‌లో సీకే బిర్లా షేర్లను కొనుగోలు చేసేందుకు గౌతమ్ అదానీ చర్చలు ప్రారంభించారు. అలాగే దివాలా తీసిన APG షిప్‌యార్డ్ గ్రూప్ కంపెనీ అయిన వట్రాజ్ సిమెంట్‌ను కొనుగోలు చేయడానికి అదానీ గ్రూప్ అనేక కంపెనీలతో పోటీపడుతోంది.