హైదరాబాద్, అయోధ్య సహా...: భారత్ రియాల్టీ రంగంలోకి వారెన్ బఫెట్ బెర్క్షైర్
ఇన్వెస్ట్మెంట్ కింగ్ వారెన్ బఫెట్కు చెందిన రియాల్టీ బ్రోకరేజ్ బెర్క్షైర్ హాత్వే హోమ్ సర్వీసెస్ భారత ప్రాపర్టీ మార్కెట్లోకి అడుగు పెడుతోంది. బెర్క్షైర్ హాత్వే హోమ్ సర్వీసెస్ ఒరెండా ఇండియా పేరుతో హైదరాబాద్ సహా పలు ప్రముఖ నగరాల్లో కార్యకలాపాలు ప్రారంభించనుంది. భారత్లో కార్యకలాపాల నిర్వహణ కోసం ఒరెండాతో జత కట్టింది. అందుకే బెర్క్షైర్ హాత్వే హోమ్ సర్వీసెస్ ఒరెండా ఇండియాతో సంయుక్తంగా కీలక రియాల్టీ మార్కెట్ సేవల్లోకి వస్తోంది.
బెర్క్షైర్ హాత్వే హోమ్ సర్వీసెస్ ఒరెండా ఇండియా ప్రధానంగా ముంబై, ఢిల్లీ, చెన్నై, కోల్కతా, బెంగళూరు, హైదరాబాద్, పుణే, అహ్మదాబాద్, గోవా, అయోధ్య తదితర కీలక ప్రాపర్టీ మార్కెట్ల పైన దృష్టి సారించింది. భారత రియాల్టీ రంగం గత ఏడాది గ్లోబల్ ఇనిస్టిట్యూషనల్ ఇన్వెస్టర్లను భారీగా ఆకర్షించింది. 2030 నాటికి 1 ట్రిలియన్ డాలర్లకు చేరుకుంటుందని అంచనా. అలాగే, 2025 నాటికి భారత ఆర్థిక వ్యవస్థలో 13 శాతంగా ఉంటుందని భావిస్తున్నారు.
బెర్క్షైర్ హాత్వే హోమ్ సర్వీసెస్ను భారత్లోకి తీసుకు రావడం ఆనందంగా ఉందని, ప్రపంచవ్యాప్తంగా తమ సేవలు మరింత విస్తరిస్తామని, ఇందులో భాగంగా భారత్లోని ప్రధాన రియాల్టీ మార్కెట్లో సేవలు అందిస్తామని బెర్క్ షైర్ హాత్ వే హోమ్ సర్వీసెస్ పేర్కొంది. వెయ్యి మందితో నిపుణుల బృందాన్ని ఏర్పాటు చేస్తామన్నారు.