రియల్ ఎస్టేట్లో కాసుల పంట.. లగ్జరీ అపార్ట్‌మెంట్లకే కస్టమర్ల ఓటు.. వెయ్యి కోట్లు దాటినా అమ్మకాలు..

రియల్ ఎస్టేట్ అమ్మకాలు కొన్ని నగరాలు, ప్రదేశాలను బట్టి మారుతుంటుంది. అయితే ఐటీకి హాట్ ప్లేస్'గా పేరు పొందుతున్న బెంగుళూరులో ఇళ్ల అద్దెలు కాదు లగ్జరీ ఇళ్ల అమ్మకాలు కూడా జోరుగా కొనసాగుతున్నాయి. తాజాగా దీనికి సంబంధించి ఒక వార్త వెలువడింది. అయితే బెంగళూరులోని లగ్జరీ అపార్ట్‌మెంట్ మార్కెట్లో రూ.10 కోట్లు లేదా అంతకంటే ఎక్కువ ధర ఉన్న ఇళ్ల అమ్మకాలు మొదటిసారిగా రూ. 1,000 కోట్ల మార్కును దాటింది. గత నాలుగు సంవత్సరాలుగా చూస్తే 42 శాతం అమ్మకాలు కేవలం FY25లోనే జరిగాయి, దీని బట్టి చూస్తే హై-ఎండ్ రెసిడెన్షియల్ హౌసెస్ డిమాండ్‌ ఎలా ఉందొ తెలుస్తుంది.

ఇండియా సోథెబైస్ ఇంటర్నేషనల్ రియాలిటీ అండ్ CRE మ్యాట్రిక్స్ రిపోర్టులో షేర్ చేసిన డేటా ప్రకారం, 5 వేల నుండి 7 వేల చదరపు అడుగుల మధ్య ఉన్న అపార్ట్‌మెంట్‌లకు డిమాండ్‌లో భారీగా పెరుగుదల కనిపించింది, దీని ద్వారా విశాలమైన, అల్ట్రా-ప్రీమియం లైఫ్ కోసం పెరుగుతున్న డిమాండ్ నొక్కి చెబుతుంది.

బెంగళూరు లగ్జరీ హౌసింగ్ మార్కెట్ కొత్త క్లబ్లోకి ప్రవేశించింది. ముఖ్యంగా చీఫ్ ఎక్స్పీరియన్స్ ఆఫీసర్స్, స్టార్టప్ ఫౌండర్స్ ఇంకా ప్రపంచవ్యాప్తంగా ఉన్న భారతీయులు లగ్జరీ లైఫ్ స్టయిల్ కోసం ఇన్వెస్ట్మెంట్ చేసే తెలివైన కొనుగోలుదారులను మనం చూస్తున్నాము అని ఇండియా సోథెబైస్ ఇంటర్నేషనల్ రియాలిటీ చీఫ్ ఎగ్జిక్యూటివ్ ఆఫీసర్ అశ్విన్ చద్దా అన్నారు. ఈ కాలంలో బెంగళూరులోని హై-ఎండ్ లగ్జరీ అపార్ట్‌మెంట్ మార్కెట్‌లో హెబ్బల్ అగ్రగామిగా నిలిచింది, మొత్తం అమ్మకాల వాల్యూలో 22 శాతం వాటా ఇక్కడే ఉంది. అలాగే పెరుగుతున్న లగ్జరీ హబ్‌లలో దోమ్లూర్, సుధామ్‌నగర్ అండ్ బోమన్‌హల్లి కూడా ఉన్నాయి.

CRE మ్యాట్రిక్స్ చీఫ్ ఎగ్జిక్యూటివ్ ఆఫీసర్ అండ్ సహ వ్యవస్థాపకుడు అభిషేక్ కిరణ్ గుప్తా మాట్లాడుతూ, ఇది కేవలం సాధారణ విషయం కాదని అన్నారు. ఈ ఒక్క ఏడాదిలోనే అల్ట్రా-లగ్జరీ అపార్ట్‌మెంట్‌లలో ఆరు కొత్త మైక్రో మార్కెట్లను మేము చూశాము. గతంతో పోల్చి చూస్తే భారీ మార్పు, అలాగే మార్కెట్ ఎంత వేగంగా అభివృద్ధి చెందుతుందో ఇది చూపిస్తుంది అని అన్నారు. అయితే బెంగళూరు మౌలిక సదుపాయాలు వేగమైన వృద్ధికి అనుగుణంగా ఉండాల్సిన అవసరం ఉందని అశ్విన్ చద్దా హెచ్చరించారు.

సెంచరీ రియల్ ఎస్టేట్‌లో సేల్స్, మార్కెటింగ్ & CRM డైరెక్టర్ మణీందర్ ఛబ్రా మాట్లాడుతూ బెంగళూరు అల్ట్రా-లగ్జరీ రియల్ ఎస్టేట్ మార్కెట్ మంచి ఉత్సాహాన్ని చూస్తోంది, ఇందిరానగర్‌లో మా ఫ్లాగ్‌షిప్ లగ్జరీ ప్రాజెక్ట్ ప్రారంభించిన ఆరు నెలల్లోనే రూ.1,000 కోట్లకు పైగా అమ్మకాలను సాధించింది అని అన్నారు.