బెంగళూరులో కొత్త యాప్... ఓలా, ఉబెర్, రాపిడో ఫేర్లు పోల్చి చౌకైన రైడ్‌ను సులభంగా బుక్ చేసుకోవచ్చు

నగర జీవితం వేగంగా నడుస్తుంది. బెంగళూరు, హైదరాబాద్, గురుగ్రాం లాంటి బిజీ నగరాల్లో రైడ్ కోసం ప్రతి రోజు ఓలా, ఉబెర్, రాపిడ్, నమ్మ యాత్రి యాప్‌లను చెక్ చేయడం కష్టమే. అందుకే చాలామందికి అదనపు చార్జీ చెల్లించాల్సి వస్తోంది. కానీ ఇప్పుడు బెంగళూరులో సొల్యూషన్ వచ్చేసింది! ఒకే యాప్‌లో అన్ని రైడ్ ఫేర్లను పోల్చి, తక్కువ ఖర్చులో రైడ్ బుక్ చేసుకోవచ్చు. ఇక బహుళ యాప్‌లు ఫోన్లో ఉంచడం, ఇప్పుడు ప్రతి యాప్ ఫేర్ చూసుకోకుండా, సమయం, కష్టం, అదనపు ఖర్చు తగ్గిపోయింది.

బెంగళూరులోని "బాబ్ రైడ్స్"(Bob Rides) అనే స్టార్టప్, రైడ్ బుకింగ్ సింపుల్, సులభంగా, చౌకగా ఉండేలా "యాప్" రూపొందించింది. దీని ప్రత్యేకత ఏమిటంటే, ఈ యాప్ ఒకేసారి "ఓలా, ఉబెర్, రాపిడ్, నమ్మ యాత్రి" లాంటి ప్రముఖ రైడ్-హైలింగ్ సర్వీసుల ఛార్జీలను పోల్చి చూపుతుంది. అంటే, ఎక్కడెక్కడ చౌకైనది ఆ ఆప్షన్‌ను తక్షణమే బుక్ చేసుకోవచ్చు, ఒకదానికంటే మరొక యాప్‌కి స్విచ్ అవ్వాల్సిన అవసరం లేదు.

ఈ యాప్‌ను రూపొందించడానికి స్టార్టప్ "మైక్రోసాఫ్ట్ నుండి రూ. 2 కోట్ల గ్రాంట్" ను పొందింది. ఇందులో $150,000 క్లౌడ్ క్రెడిట్స్ కూడా ఉన్నాయి. ఈ యాప్ ఆలోచన 22 ఏళ్ల జై ఆదిత్య పూర్ణ దగ్గర నుంచి వచ్చింది. ఆయనక్రిస్ట్ యూనివర్సిటీ గ్రాడ్యుయేట్. కాలేజ్‌లో ఉండగా, రోజూ 25 కిమీ దూరం కమ్యూట్ చేస్తూ, చౌకైన రైడ్ కోసం తరచూ యాప్‌ల మధ్య జంప్ అవ్వాల్సి ఉండేది. "అందుకే ఒకే ప్లాట్‌ఫారమ్‌లో అన్ని సర్వీసుల ఛార్జీలను పోల్చే ఆలోచన వచ్చింది," అని ఆయన చెప్పారు.

మొదట, డెవలప్‌మెంట్ కోసం అవుట్‌సోర్స్ చేయడానికి ప్రయత్నించాము, కానీ సమస్యలు వచ్చాయి. నాకు మార్కెటింగ్ మరియు ఆపరేషన్స్ మాత్రమే తెలుసు, టెక్నికల్ పనులు సులభం కాదు. అందుకే BCA గ్రాడ్యుయేట్, టెక్ నిపుణుడు అంచ్ అరోరా తో కలిసి పని చేయమని నిర్ణయించాము," అని జై చెప్పారు. అంచ్ అరోరా, 23 ఏళ్ల, కో-ఫౌండర్ CTOగా చేరి, టెక్నికల్ ఇన్‌ఫ్రాస్ట్రక్చర్‌ను సెట్ చేశారు. అవుట్‌సోర్సింగ్ పనిచేయలేదు. బాబ్ కోసం టెక్నికల్ సపోర్ట్ ని పూర్తి చేయమని జై నన్ను కోరాడు," అని అరోరా చెప్పారు.

బాబ్ రైడ్స్ కేవలం ఫేర్‌లను పోల్చే యాప్‌ మాత్రమే కాదు, పూర్తి బుకింగ్ ప్లాట్‌ఫారమ్ గా పనిచేస్తుంది. ఉదాహరణకు, రాపిడో రూ.250, ఉబెర్ రూ.271, ఓలా రూ.264 వసూలు చేస్తే, యాప్ ఆ ఫేర్‌లన్నీ ఒకే స్క్రీన్‌లో స్పష్టంగా చూపిస్తుంది. వినియోగదారులు ఫేర్లను సులభంగా పోల్చి, తక్కువ ప్రయత్నంతో, ఒక్కసారే బుక్ చేసుకోవచ్చు. అంతే కాక, ఇప్పటికే ఫోన్లలో అనేక రైడ్ యాప్‌లు ఇన్‌స్టాల్ చేయడం వల్ల వచ్చే సమస్యలను కూడా ఈ యాప్ పరిష్కరిస్తుంది. ఒక్క యాప్‌లో అన్ని ఆప్షన్లు ఉండడం వల్ల, సమయం, కష్టం, అదనపు ఖర్చు అన్నీ తగ్గిపోతాయి.

స్థాపకులు చెప్పినట్లు, బాబ్ రైడ్స్ భవిష్యత్తులో ఇతర మెట్రో సిటీల్లో కూడా విస్తరించి, నగరంలో ప్రయాణించే వారికి ప్రధాన రైడ్ ఆప్షన్‌గా మారగలదని ఆశిస్తున్నారు. "మనం ప్రయాణాన్ని సులభంగా, స్పష్టంగా, చౌకగా చేయాలనుకుంటున్నాం," అని జై చెప్పారు.