Bengaluru: బెంగళూరులో బ్యాచిలర్ లైఫ్ ఎలా ఉంటుందో తెలుసా? ఈ ఖర్చుల చిట్టా చూస్తే మతి పోతుంది!

కొత్తగా ఉద్యోగం వచ్చి బెంగళూరు (Bengaluru) వెళ్తున్నారా? అక్కడ అద్దెలు, ఖర్చులు చూసి భయపడుతున్నారా? అయితే మీకు ఒక గుడ్ న్యూస్. ఐటీ హబ్‌లో బతకడం ఖరీదైనదే అయినా, సరైన ప్లానింగ్ ఉంటే నెలకు రూ. 51,000 లోపే ఒక బ్యాచిలర్ చాలా కంఫర్టబుల్ గా ఉండొచ్చు. విలాసాలకు వెళ్లకుండా, తెలివిగా ఖర్చు చేస్తే మీ కలల నగరంలో సాఫీగా జీవించవచ్చు. ఆ బడ్జెట్ వివరాలు ఏంటో ఒకసారి చూద్దాం.

1. అద్దె: రూ. 20,000 (1BHK)

బెంగళూరులో సిటీ మధ్యలో కాకుండా, కొంచెం శివారు ప్రాంతాల్లో వెతికితే రూ. 18,000 నుండి రూ. 20,000 మధ్యలో మంచి 1BHK దొరుకుతుంది.
• బెస్ట్ ఏరియాలు: ఎలక్ట్రానిక్ సిటీ, వైట్‌ఫీల్డ్ అవుట్‌స్కర్ట్స్, ఆర్‌ఆర్ నగర్, కెంగేరి, హెన్నూర్, యలహంక. ఈ ప్రాంతాల్లో ఉంటే ప్రశాంతతతో పాటు అద్దె భారము తగ్గుతుంది.

2. తిండి & నిత్యావసరాలు: రూ. 10,000

బయట ఫుడ్ డెలివరీ యాప్స్ మీద తక్కువగా ఆధారపడి, ఇంట్లో వంట చేసుకుంటే చాలా డబ్బు ఆదా అవుతుంది. నెలకు సుమారుగా గ్రాసరీస్‌కు రూ. 5,000, పాలు , ఇతర వస్తువులకు రూ. 1,500, వీకెండ్ సరదాలకు రూ. 3,500 కేటాయించుకోవచ్చు.

3. కరెంట్, వైఫై & ఇతర బిల్లులు: రూ. 4,000

సాధారణంగా ఒక బ్యాచిలర్‌కు కరెంట్ బిల్లు, ఇంటర్నెట్ చార్జీలు, గ్యాస్ సిలిండర్ , మొబైల్ రీచార్జ్ అన్నీ కలిపి ఈ బడ్జెట్‌లో సరిపోతాయి. వైఫై ప్లాన్లను స్నేహితులతో పంచుకోవడం ద్వారా ఇంకాస్త ఆదా చేయొచ్చు.

4. రవాణా ఖర్చులు: రూ. 10,000

బెంగళూరు ట్రాఫిక్‌లో సొంత వాహనం కంటే మెట్రో లేదా బిఎంటిసి (BMTC) బస్సుల్లో ప్రయాణించడం ఉత్తమం.

• బైక్ ఫ్యూయల్: రూ. 4,000
• మెట్రో/బస్ పాస్: రూ. 1,500
• క్యాబ్స్ & ఇతరాలు: రూ. 4,500 ప్రజా రవాణాను వాడితే డబ్బే కాకుండా గంటల కొద్దీ సమయం కూడా ఆదా అవుతుంది.

5. ఎంటర్‌టైన్‌మెంట్ & లైఫ్‌స్టైల్: రూ. 7,000

వారమంతా కష్టపడిన తర్వాత కాస్త రిలాక్సేషన్ ఉండాలి కదా! సినిమాలు, జిమ్ మెంబర్‌షిప్, ఓటీటీ సబ్‌స్క్రిప్షన్లు , వీకెండ్ అవుటింగ్‌ల కోసం ఈ మొత్తాన్ని కేటాయించవచ్చు.

సేవింగ్స్ పెంచుకోవడానికి చిట్కాలు..

• రూమ్ షేరింగ్: 1BHK కాకుండా, స్నేహితులతో కలిసి 2BHK లేదా 3BHK ఫ్లాట్ తీసుకుంటే అద్దె సగానికి తగ్గుతుంది.
• పబ్లిక్ ట్రాన్స్‌పోర్ట్: నమ్మ మెట్రో (Namma Metro) వాడటం వల్ల జేబుకు, ఆరోగ్యానికి రెండింటికీ మంచిదే.
• కుకింగ్: ప్రతిరోజూ స్విగ్గీ, జొమాటోల నుంచి ఆర్డర్ చేయడం మానేస్తే నెల తిరిగేసరికి మీ దగ్గర అదనంగా రూ. 5,000 మిగులుతాయి.

మొత్తంగా చూస్తే, నెలకు రూ. 60,000 కంటే ఎక్కువ సంపాదించే ఫ్రెషర్స్ లేదా ఐటీ ఉద్యోగులకు బెంగళూరు (Bengaluru) లో రూ. 51,000 బడ్జెట్ తో బతకడం చాలా సులభం. కెరీర్ ఎదుగుదలకు ఈ నగరం ఎన్నో అవకాశాలను ఇస్తుంది, కాబట్టి ఖర్చుల గురించి ఆందోళన చెందకుండా పక్కా ప్లానింగ్ తో ముందుకు వెళ్లండి!