ఉచితంగా ఇంటివద్దకు fastag సేవలు, 4200 బ్రాంచీల్లో అప్లై చేసుకోవచ్చు

ఇంటి వద్దకు ఉచితంగా ఫాస్టాగ్స్‌ను (fastag) పంపిణీ చేయనున్నట్లు యాక్సిస్ బ్యాంకు తెలిపింది. తమ బ్యాంకు ఖాతాదారులు కాకుండా ఇతర బ్యాంకుల ఖాతాదారులకు కూడా ఈ సౌకర్యాన్ని కల్పిస్తున్నట్లు తెలిపింది. డిసెంబర్ 15వ తేదీ నుంచి అన్ని జాతీయ రహదారులలోని టోల్ ప్లాజాల్లో fastagను ప్రభుత్వం తప్పనిసరి చేసింది. ఈ నేపథ్యంలో అందరికీ ఉచితంగా పంపిణీ చేయనున్నట్లు యాక్సిస్ బ్యాంకు తెలిపింది.

fastag: మరిన్ని కథనాలు చదవండి

fastag వాహనం ముందు అద్దానికి అతికించే ఓ రీలోడబుల్ స్టిక్కర్ వంటిది. దీని ద్వారా టోల్ ప్లాజాలో వాహనం ప్రవేశించగానే ఆటోమేటిక్‌గా టోల్ ఛార్జీల చెల్లింపు పూర్తవుతుంది. fastag వల్ల ఎన్నో ప్రయోజనాలు ఉన్నాయి. టోల్ ఛార్జీ చెల్లింపు కోసం వాహనదారు వేచిచూడాల్సిన అవసరం లేదు. ఇంధనం ఆదా అవుతుంది.

fastagను ఆన్ లైన్ లేదా తమ 4200కు పైగా శాఖల్లోను దరఖాస్తు చేసుకోవచ్చునని యాక్సిస్ బ్యాంకు తెలిపింది. కస్టమర్లు తమకు ఎలా వీలైతే అలా ఎప్పుడు అంటే అప్పుడు fastag రీచార్జ్ చేసుకోవచ్చునని తెలిపింది. యాక్సిస్ బ్యాంకు క్రెడిట్, డెబిట్ కార్డుల ద్వారా రీచార్జ్ చేసుకుంటే 5 శాతం క్యాష్ బ్యాక్ పొందవచ్చునని తెలిపింది. NHAI కూడా 2.5 శాతం క్యాష్ అందిస్తోంది. యాక్సిస్ బ్యాంకు మరో ఐదు శాతం అదనంగా ఇస్తుంది.