Bank Holidays: ఏప్రిల్ లో 14 రోజులు బ్యాంకులకు సెలవులు..

ముఖ్యమైన ఆర్థిక సంస్థలలో బ్యాంక్ ఒకటి. సెలవులతో బ్యాంకులు మూసివేస్తారు. అయితే ఏప్రిల్ లో బ్యాంకులకు 14 రోజులు మూతపడనున్నాయి.రెండు రోజుల్లో ఏప్రిల్ ప్రారంభమవుతుంది. కొత్త ఆర్థిక సంవత్సరం మొదటి నెలలో 30 రోజులకు 14 రోజులు బ్యాంకులకు సెలవులు ఉండనున్నాయి. రిజర్వ్ బ్యాంక్ ఆఫ్ ఇండియా విడుదల చేసిన సెలవు జాబితా ప్రకారం.. ఏప్రిల్ 2024లో మొత్తం 14 రోజుల పాటు బ్యాంకులు మూసివేస్తారు.

వివిధ రాష్ట్రాల్లో వచ్చే పండుగలు, వార్షికోత్సవాలను బట్టి సెలవుల జాబితాను సిద్ధం చేశారు. మీరు వచ్చే నెలలో ఏదైనా ముఖ్యమైన బ్యాంక్ సంబంధిత పనిని పూర్తి చేయాల్సి వస్తే, ఖచ్చితంగా బ్యాంక్ సెలవులను చూసుకోవాలి. ఏప్రిల్ 1న వార్షిక ముగింపు కారణంగా దేశవ్యాప్తంగా బ్యాంకులకు సెలవు ఉంటుంది. ఏప్రిల్ 5న బాబు జగ్జీవన్ రామ్ పుట్టినరోజు, జుమాత్ జుమాతుల్ విదా కారణంగా తెలంగాణ, జమ్మూ అండ్ శ్రీనగర్‌లలో బ్యాంకులకు సెలవు ఉంటుంది.

ఏప్రిల్ 7న ఆదివారం కారణంగా బ్యాంకులకు సెలవు ఉంటుంది. ఏప్రిల్ 9న గుడి పడ్వా/ఉగాది పండుగ/తెలుగు నూతన సంవత్సరం, మొదటి నవరాత్రి కారణంగా, బేలాపూర్, బెంగళూరు, చెన్నై, హైదరాబాద్, ఇంఫాల్, జమ్ము, ముంబై, నాగ్‌పూర్, పనాజీ, శ్రీనగర్‌లలోని బ్యాంకులకు సెలవు ఉంటుంది. ఏప్రిల్ 10న ఈద్ కారణంగా కేరళలోని కొచ్చిలో బ్యాంకులకు సెలవు ఉంటుంది. ఏప్రిల్ 11న ఈద్ కారణంగా చండీగఢ్, గ్యాంగ్‌టక్, కొచ్చి మినహా దేశవ్యాప్తంగా బ్యాంకులు మూసివేయనున్నారు.

ఏప్రిల్ 13న రెండవ శనివారం కారణంగా ఏడాది పొడవునా బ్యాంకులకు సెలవు ఉంటుంది. ఏప్రిల్ 14న ఆదివారం కారణంగా బ్యాంకులకు సెలవు ఉంటుంది. ఏప్రిల్ 15న బోహాగ్ బిహు, హిమాచల్ డే కారణంగా గౌహతి, సిమ్లాలో బ్యాంకులకు సెలవులు ఉండనున్నాయి. ఏప్రిల్ 17న రామ నవమి కారణంగా అహ్మదాబాద్, బేలాపూర్, భోపాల్, భువనేశ్వర్, చండీగఢ్, డెహ్రాడూన్, గాంగ్‌టక్, హైదరాబాద్, జైపూర్, కాన్పూర్, లక్నో, పాట్నా, రాంచీ, సిమ్లా, ముంబై, నాగ్‌పూర్‌లలో బ్యాంకులు మూసివేయనున్నారు.

ఏప్రిల్ 20న గరియా పూజ కారణంగా అగర్తలాలో బ్యాంకులకు సెలవు ఉండనుంది. ఏప్రిల్ 21న ఆదివారం కారణంగా అన్ని బ్యాంకులు మూసివేయనున్నారు. ఏప్రిల్ 27న నాల్గో శనివారం కారణంగా బ్యాంకులకు సెలవు ఉంటుంది. ఏప్రిల్ 27నఆదివారం కారణంగా బ్యాంకులకు సెలవు ఉంటుంది.బ్యాంకుల్లో ఎక్కువ రోజులు సెలవులు వస్తే నెట్ బ్యాంకింగ్ లేదా మొబైల్ బ్యాంకింగ్ ద్వారా ఒక ఖాతా నుంచి మరొక ఖాతాకు డబ్బును బదిలీ చేయవచ్చు. UPI ద్వారా కూడా డబ్బు బదిలీ చేయవచ్చు. మీరు నగదు విత్‌డ్రా చేసుకోవడానికి ఏటీఎంని ఉపయోగించవచ్చు.