For Quick Alerts
ALLOW NOTIFICATIONS  
For Daily Alerts

SBI తర్వాత బ్యాంక్ ఆఫ్ బరోడా గుడ్‌న్యూస్, హోమ్‌లోన్, కారు లోన్ వడ్డీ రేటు తగ్గింపు

|

బ్యాంక్ ఆఫ్ బరోడా తన కస్టమర్లకు గురువారం గుడ్‌న్యూస్ చెప్పింది. పండుగ సీజన్ నేపథ్యంలో హోమ్ లోన్, కారు లోన్ పైన వడ్డీ రేట్లను తగ్గించింది. హోమ్ లోన్, వెహికిల్ లోన్స్ పైన వడ్డీరేట్లను 0.25 శాతం మేర తగ్గించింది. హోమ్‌ లోన్‌పై వడ్డీరేటు 6.75 శాతంతో, కారు లోన్ వడ్డీ రేటు 7 శాతంతో ప్రారంభమవుతుందని తెలిపింది. హోమ్ లోన్ పైన ప్రాసెసింగ్ ఫీజును కూడా తొలగిస్తున్నట్లు ప్రకటనలో తెలిపింది. ఈ సవరించిన వడ్డీ రేట్లు అమల్లోకి వచ్చినట్లు తెలిపింది. తక్షణ రుణ మంజూరు కోసం కస్టమర్లు బ్యాంక్ ఆఫ్ బరోడా మొబైల్ బ్యాంకింగ్ యాప్, వెబ్‌సైట్‌ను ఉపయోగించవచ్చునని మోర్టగేజెస్, ఇతర రిటైల్ ఆస్తుల విభాగం జనరల్ మేనేజర్ సోలంకి వెల్లడించారు.

హోమ్ లోన్, కారు లోన్ కోసం దరఖాస్తు

హోమ్ లోన్, కారు లోన్ కోసం దరఖాస్తు

హోమ్‌లోన్, కారు లోన్ కోసం కస్టమర్లు ఇప్పుడే దరఖాస్తు చేసుకోవచ్చునని, డోర్ స్టెప్ సేవలు కూడా అందుబాటులో ఉన్నాయని తెలిపింది. ఈ పండుగ సీజన్‌లో రిటైల్ లోన్ ఆఫర్లను ప్రవేశపెట్టడం ద్వారా తమ కస్టమర్లకు పండుగ ఉత్సహాన్ని అందిస్తున్నామని సోలంకి అన్నారు. ప్రాసెసింగ్ ఫీజు మినహాయింపు ప్రయోజనం కూడా పొందుతున్నారని తెలిపారు. ఇప్పటికే ఉన్న తమ కస్టమర్లకు, కొత్త కస్టమర్లకు ఈ ఆఫర్ ప్రయోజనకరమని తెలిపారు. అలాగే, ప్రాసెసింగ్ ఫీజును మినహాయించడం ద్వారా కూడా ప్రయోజనం పొందుతారని తెలిపారు.

ఎస్బీఐ కూడా గుడ్ న్యూస్

ఎస్బీఐ కూడా గుడ్ న్యూస్

కాగా, ప్రభుత్వరంగ సంస్థ స్టేట్ బ్యాంక్ ఆఫ్ ఇండియా(SBI) కూడా తన కస్టమర్లకు గుడ్ న్యూస్ చెప్పింది. పండుగ సీజన్ నేపథ్యంలో క్రెడిట్ స్కోర్ లింక్డ్ హోమ్ లోన్స్‌ను తక్కువ ధరకే అందిస్తోంది. కరోనా మహమ్మారి నేపథ్యంలో గత ఏడాది కాలంగా హోమ్ లోన్ వడ్డీ రేట్లు, పర్సనల్ లోన్ వడ్డీ రేట్లు తగ్గుతున్నాయి. అదే సమయంలో ఆర్థిక ఇబ్బందుల నేపథ్యంలో రుణ రేటు కూడా తగ్గింది. అయితే రుణరేటును పెంచేందుకు వివిధ బ్యాంకులు ఆఫర్లు ఇస్తున్నాయి. ఇందులో భాగంగా ఎస్బీఐ హోమ్ లోన్ వడ్డీ రేటును 6.7 శాతానికి ఇస్తున్నట్లు ప్రకటించింది. క్రెడిట్ స్కోర్ ఆధారంగా కస్టమర్లు ఈ ఆఫర్‌ను పొందవచ్చు. అలాగే, ఆఫర్ కింద ప్రాసెసింగ్ ఫీజును కూడా తొలగించినట్లు బ్యాంకు గురువారం ఓ ప్రకటనలో తెలిపింది.

ఎస్బీఐలో బదలీకి కూడా

ఎస్బీఐలో బదలీకి కూడా

అంతకుముందు రూ.75 లక్షల కంటే ఎక్కువ మొత్తంలో హోమ్ లోన్ తీసుకునేవారు 7.15 శాతం వడ్డీరేట్లు చెల్లించాలి. అయితే ఈ పండగ ఆఫర్‌తో కొత్తగా హోమ్ లోన్ తీసుకునేవారికి ఎంత మొత్తం రుణానికైనా 6.70 వడ్డీరేటు ఉంటుందని బ్యాంకు వెల్లడించింది. దీంతో 30 ఏళ్ల కాలవ్యవధితో రూ.75 లక్షల కంటే ఎక్కువ మొత్తంలో రుణం తీసుకునే వారికి వడ్డీ భారం 45 బేసిస్ పాయింట్ల తగ్గడంతో పాటు రూ.8 లక్షలు ఆదా అవుతుందని తెలిపింది. ఇప్పటి వరకు వేతన ఆధారిత కస్టమర్లతో పోలిస్తే ఇతర కస్టమర్లకు హోమ్ లోన్ పైన వడ్డీ రేటు 15 బేసిస్ పాయింట్లు ఎక్కువగా ఉంది. తాజా ఆఫర్‌లో ఈ తేడాను తొలగించినట్లు ఎస్బీఐ వెల్లడించింది. వృత్తి, రుణ మొత్తం వంటి అంశాలను పరిగణలోకి తీసుకోకుండా ప్రతి కస్టమర్‌కు హోమ్ లోన్స్ పైన ఒకే వడ్డీ రేటును అందిస్తున్నట్లు తెలిపింది. హోమ్ లోన్స్‌ను బదలీ చేసుకునే వారికి కూడా ఇది వర్తిస్తుంది.

English summary

SBI తర్వాత బ్యాంక్ ఆఫ్ బరోడా గుడ్‌న్యూస్, హోమ్‌లోన్, కారు లోన్ వడ్డీ రేటు తగ్గింపు | Bank of Baroda cuts home and car loan rates

Bank of Baroda on Thursday announced loan offers amid the festive season, under which, it has waived off home and car loan rates.
Story first published: Friday, September 17, 2021, 9:13 [IST]
Company Search
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X