Bajaj Finance: రూ.36 డివిడెండ్ ప్రకటించిన బజాజ్ ఫైనాన్స్..

బజాజ్ ఫైనాన్స్ గురువారం మార్చి 31, 2024తో ముగిసిన త్రైమాసిక ఫలితాలను ప్రకటించింది. రూ. 3,824.53 కోట్ల నికర లాభాన్ని ప్రకటించింది. ఇది క్రితం సంవత్సరం కాలంలో నికర లాభం రూ. 3,157.79 కోట్లుగా ఉంది. అంటే 21 శాతం పెరిగింది. త్రైమాసికంలో కార్యకలాపాల ద్వారా వచ్చిన మొత్తం ఆదాయం రూ. 14,926.21 కోట్లుగా ఉంది. ఇది గత ఆర్థిక సంవత్సరం ఇదే కాలంలో కంపెనీ నివేదించిన రూ. 11,364.01 కోట్ల కంటే 31.34 శాతం పెరిగింది.

కంపెనీ ఒక్కో షేరుకు రూ. 36 తుది డివిడెండ్‌ను కంపెనీ ప్రకటించింది. జనవరి-మార్చి కాలంలో వడ్డీ ఆదాయం రూ. 13,230.08 కోట్లుగా ఉన్నట్లి వివరించింది. అంతకు ముందు ఏడాది కాలంలో ఇది రూ. 9,845.98 కోట్లుగా ఉంది. బుక్ చేసిన కొత్త రుణాల సంఖ్య Q4 FY23లో 75.6 లక్షల నుంచి 24 FY24లో 4% పెరిగి 78.7 లక్షలకు చేరుకుంది.'eCOM', 'lnsta EMI కార్డ్' కింద రుణాల మంజూరు, పంపిణీపై కంపెనీపై ఆర్బీఐ విధించిన పరిమితుల కారణంగా ఈ త్రైమాసికంలో బుక్ చేసిన కొత్త రుణాలు సుమారు 8 లక్షలు తగ్గాయి.

కస్టమర్ ఫ్రాంచైజీ మార్చి 31, 2024 నాటికి 8.36 కోట్లకు చేరుకుంది. మార్చి 31, 2023 నాటికి 6.91 కోట్లుగా ఉంది. ఇది 21% వృద్ధి. Q4FY24లో కంపెనీ కస్టమర్ ఫ్రాంచైజీ 32.3 లక్షలు పెరిగింది. ఏయూఎం మార్చి 31, 2023 నాటికి రూ. 247,379 కోట్ల నుంచి మార్చి 31, 2024 నాటికి రూ. 330,615 కోట్లకు 34% వృద్ధి చెందింది. ఇది Q4 FY24లో ఏయూఎం రూ. 19,647 కోట్లకు పెరిగింది. నికర వడ్డీ ఆదాయం Q4 FY24లో 28% పెరిగి, Q4 FY23లో రూ.6,254 కోట్ల నుంచి రూ.8,013 కోట్లకు పెరిగింది.

నికర మొత్తం ఆదాయం Q4 FY24లో 25% పెరిగి, Q4 FY23లో రూ.7,775 కోట్ల నుండి రూ.9,714 కోట్లకు పెరిగింది. ప్రీ-ప్రొవిజనింగ్ ఆపరేటింగ్ ప్రాఫిట్ (PPoP) Q4 FY24లో 25% పెరిగి, Q4FY23లో రూ.5,118 కోట్ల నుండి రూ.6,412 కోట్లకు చేరుకుంది. స్థూల ఎన్పీఏ 0.85 శాతం, నికర ఎన్పీఏ 0.37%గా ఉన్నాయి. మార్చి 31, 2023 నాటికి ఇవి 0.94%, 0.34%గా ఉన్నాయి.