పెళ్లిచేసుకోబోతున్న పివి సింధు..ఈ హైదరాబాదీ టెక్కీ ఎవరో తెలుసా.. ?

రెండుసార్లు ఒలింపిక్ విజేత, బ్యాడ్మింటన్ ప్లేయర్ పివి సింధు పెళ్లి పీటలు ఎక్కబోతుంది. నివేదికల ప్రకారం డిసెంబర్ 22న ఉదయపూర్‌లో ఆమె పెళ్లి ఘనంగా జరగనుంది. గతవారం లక్నోలోని సయ్యద్ మోదీ ఇంటర్నేషనల్‌లో ఫైనల్స్‌కు చేరిన పివి సింధు హైదరాబాద్‌కు చెందిన పోసిడెక్స్ టెక్నాలజీస్‌లో ఎగ్జిక్యూటివ్ డైరెక్టర్‌ వెంకట దత్త సాయితో పెళ్లికి రెడీ అవుతుంది.

అయితే ఒక ఇంటర్వ్యూలో పివి సింధు తండ్రి పివి రమణ మా కుటుంబానికి బాగా తెలుసు అని వెల్లడించారు. రిపోర్ట్స్ ప్రకారం అయితే ఒక నెల క్రితమే ఈ పెళ్లి ఖరారు అయింది. అందుకే డిసెంబర్ 22న పెళ్లి వేడుకలు నిర్వహించాలని ఇరు కుటుంబాలు నిర్ణయించుకున్నాయి. డిసెంబర్ 24న హైదరాబాద్‌లో రిసెప్షన్ జరగనుంది. పెళ్లికి సంబంధించిన వేడుకలు డిసెంబర్ 20న ప్రారంభం కానున్నాయి అని సింధు కుటుంబ సభ్యులు వెల్లడించారు.

ఎవరు ఈ వెంకట దత్త సాయి?
వెంకట దత్త సాయి ప్రస్తుతం పోసిడెక్స్ టెక్నాలజీస్‌లో ఎగ్జిక్యూటివ్ డైరెక్టర్‌గా కొనసాగుతున్నారు. లింక్డ్‌ఇన్‌లో అందుబాటులో ఉన్న సమాచారం ప్రకారం, అతను ఫౌండేషన్ ఆఫ్ లిబరల్ అండ్ మేనేజ్‌మెంట్ ఎడ్యుకేషన్ నుండి లిబరల్ ఆర్ట్స్ అండ్ సైన్సెస్/లిబరల్ స్టడీస్‌లో డిప్లొమా పూర్తి చేశాడు. అతను 2018లో పూణేలోని ఫ్లేమ్ యూనివర్శిటీ నుండి అకౌంటింగ్ అండ్ ఫైనాన్స్‌లో బ్యాచిలర్ ఆఫ్ బిజినెస్ అడ్మినిస్ట్రేషన్ (BBA) పూర్తి చేసాడు, ఆ తర్వాత బెంగళూరులోని ఇంటర్నేషనల్ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ నుండి డేటా సైన్స్ అండ్ మెషిన్ లెర్నింగ్‌లో మాస్టర్స్ డిగ్రీని పొందాడు. ప్రస్తుతం వెంకట దత్త సాయి Posidex టెక్నాలజీస్‌లో ఎగ్జిక్యూటివ్ డైరెక్టర్‌గా పనిచేస్తున్నాడు. మార్కెటింగ్, HR ప్రోగ్రామ్స్ అండ్ గ్లోబల్ పార్టనర్‌షిప్‌లకు లీడర్షిప్ వహిస్తున్నారు.

వెంకట దత్త సాయి ప్రయాణం JSWతో మొదలై అక్కడ సమ్మర్ ఇంటర్న్‌ పాటు ఇన్-హౌస్ కన్సల్టెంట్‌గా పనిచేశాడు. అక్కడ అతని ఎక్స్పీరియన్స్ గురించి లింక్డ్‌ఇన్ ప్రొఫైల్‌లో ఫైనాన్స్ అండ్ ఎకనామిక్స్‌లో నా BBA "ఐపిఎల్ టీమ్‌ని మేనేజ్ చేయడంతో పోల్చితే కొత్తగా ఉంది" అని అయితే తన అనుభవాల నుండి చాలా నేర్చుకున్నట్లు ఒప్పుకున్నాడు.

పివి సింధు గురించి మాట్లాడితే
2019లో ఒక స్వర్ణం, అలాగే ఒలింపిక్ రజతం, కాంస్య పతకాలతో సహా ఐదు ప్రపంచ ఛాంపియన్‌షిప్ పతకాలను సాధించిన పివి సింధు భారతదేశ ప్రముఖ అథ్లెట్లలో ఒకరు. బ్యాడ్మింటన్ స్టార్ పివి సింధు రియో ​​2016, టోక్యో 2020లో బ్యాక్-టు-బ్యాక్ ఒలింపిక్ విజయాలను సాధించి 2017లో కెరీర్-అత్యున్నత ప్రపంచ ర్యాంకింగ్ 2కి చేరుకుంది.