Axis FD Rates: ఫిక్స్‌డ్ డిపాజిట్ దారులకు శుభవార్త చెప్పిన యాక్సిస్.. వడ్డీ రేట్లు పెంచుతూ నిర్ణయం..

ప్రముఖ ప్రైవేట్ బ్యాంకుల్లో ఒకటైన యాక్సిస్ బ్యాంక్ ఫిక్స్‌డ్ డిపాజిట్ వడ్డీ రేట్లు పెచింది. బ్యాంక్ అధికారిక వెబ్‌సైట్ ప్రకారం, కొత్త రేట్లు అక్టోబర్ 14, 2022 నుంచి అమలులోకి వచ్చాయి. యాక్సిస్ బ్యాంక్ వడ్డీ రేట్లను 75 బేసిస్ పాయింట్ల వరకు పెంచింది. యాక్సిస్ బ్యాంక్ ఇప్పుడు 7 రోజుల నుంచి 10 సంవత్సరాలలో మెచ్యూర్ అయ్యే ఫిక్స్‌డ్ డిపాజిట్లపై వడ్డీ రేట్లను సాధారణ ప్రజలకు 3.50% నుంచి 6.10 శాతం వడ్డీ రేటు ఇస్తుండగా.. సీనియర్ సిటిజన్‌లకు 3.50% నుండి 6.85% వరకు అందిస్తోంది.

యాక్సిస్ FD రేట్లు
7 రోజుల నుంచి 29 రోజులలో మెచ్యూర్ అయ్యే డిపాజిట్లపై బ్యాంక్ తన వడ్డీ రేటును 2.75% నుంచి 3.50%కి పెంచింది.30 రోజుల నుంచి 60 రోజులలో మెచ్యూర్ అయ్యే డిపాజిట్లపై 3.25 శాతం నుంచి 3.50 శాతానికి పెరిగింది. 61 రోజుల నుంచి మూడు నెలల వరకు మెచ్యూర్ అయ్యే డిపాజిట్లు ఇప్పుడు 4% వడ్డీ రేటును అందించనున్నారు. ఇది గతంలో 3.25 శాతంగా ఉంది.

6.15 శాతం
6 నుంచి 9 నెలల మధ్య మెచ్యూరిటీ ఉన్న డిపాజిట్లపై, యాక్సిస్ బ్యాంక్ వడ్డీ రేట్లను 35 బేసిస్ పాయింట్లు పెంచింది.10 నెలల నుంచి 1 సంవత్సరానికి మెచ్యూర్ అయ్యే డిపాజిట్లపై వడ్డీ రేట్లను 4.75% నుంచి 5 శాతానికి పెంచింది. 1 సంవత్సరం నుంచి 1 సంవత్సరం 11 రోజులలో మెచ్యూర్ అయ్యే డిపాజిట్లపై వడ్డీ రేట్లను 5.45% నుంచి 6.10 శాతానికి పెరిగింది. 15 నెలల నుంచి 2 సంవత్సరాలలో మెచ్యూర్ అయ్యే డిపాజిట్లపై, యాక్సిస్ బ్యాంక్ 6.15 శాతం వడ్డీ రేటును కొనసాగిస్తుంది.