Fixed Deposite: ఫిక్స్‌డ్ డిపాజిట్ దారులకు శుభవార్త.. వడ్డీ రేట్లు పెంచిన యాక్సిస్ బ్యాంక్..

ఫిక్స్‌డ్ డిపాజిట్ దారులకు యాక్సిస్ బ్యాంకు శుభవార్త అందించింది. రూ.2 కోట్ల లోపు ఫిక్స్‌డ్ డిపాజిట్లపై వడ్డీ రేటు పెంచినట్లు ప్రకటించింది. బ్యాంక్ అధికారిక వెబ్‌సైట్ ప్రకారం, కొత్త వడ్డీ రేట్లు సెప్టెంబర్ 9, 2022 నుంచి అమల్లోకి వచ్చాయి. వివిధ కాలవ్యవధి ఫిక్స్‌డ్ డిపాజిట్లపై వడ్డీ రేట్లను పెంచింది. 7 రోజుల నుంచి 6 నెలల వరకు మెచ్యూరిటీల కోసం బ్యాంక్ ఫిక్స్‌డ్ డిపాజిట్లపై వడ్డీ రేట్లను 25 bps పెంచింది.

అత్యల్పంగా 2.75 శాతం

7 రోజుల నుంచి 29 రోజులలో మెచ్యూర్ అయ్యే ఫిక్స్‌డ్ డిపాజిట్లపై బ్యాంక్ వడ్డీ రేటును 2.75%కి పెంచింది.30 రోజుల నుంచి 3 నెలల వరకు మెచ్యూర్ అయ్యే ఫిక్స్‌డ్ డిపాజిట్లపై యాక్సిస్ బ్యాంక్ వడ్డీ రేటును 3% నుంచి 3.25%కి పెంచింది. 3 నెలల నుండి 6 నెలల వరకు మెచ్యూర్ అయ్యే ఫిక్స్‌డ్ డిపాజిట్లపై ఇప్పుడు 3.75% వడ్డీని ఇవ్వనుంది.6 నెలల నుంచి 7 నెలల వరకు, 7 నెలల నుండి 8 నెలల వరకు మెచ్యూర్ అయ్యే ఫిక్స్‌డ్ డిపాజిట్లపై, బ్యాంక్ వరుసగా 4.65%, 4.40% వడ్డీ రేటును అందించనుంది. 8 నెలల నుంచి 9 నెలల వరకు మెచ్యూర్ అయ్యే ఫిక్స్‌డ్ డిపాజిట్లపై 4.65%కి పెంచింది.

5.75%

9 నెలల నుంచి 1 సంవత్సరం వరకు మెచ్యూర్ అయ్యే ఫిక్స్‌డ్ డిపాజిట్లపై వడ్డీ రేటు 4.75 శాతం ఉండగా.. 1 సంవత్సరం నుంచి 1 సంవత్సరం 11 రోజులలో మెచ్యూర్ అయ్యే టర్మ్ డిపాజిట్లపై వడ్డీ రేటు 5.45% వద్ద స్థిరంగా ఉంచింది. 1 సంవత్సరం 11 రోజుల నుండి 1 సంవత్సరం 25 రోజులలో మెచ్యూర్ అయ్యే ఫిక్స్‌డ్ డిపాజిట్లపై, యాక్సిస్ బ్యాంక్ 5.75% వడ్డీ రేటును కొనసాగిస్తుంది.

సీనియర్ సిటిజన్‌

7 రోజుల నుంచి 29 రోజులలో మెచ్యూర్ అయ్యే ఫిక్స్‌డ్ డిపాజిట్లపై, సీనియర్ సిటిజన్‌లు 2.75% వడ్డీ రేటును పొందుతారు. సీనియర్ సిటిజన్లు ఇప్పుడు 1 సంవత్సరం నుండి 1 సంవత్సరం 11 రోజులలో మెచ్యూర్ అయ్యే ఫిక్స్‌డ్ డిపాజిట్లపై 6.20% వడ్డీ రేటును అందివ్వనున్నారు. 5 సంవత్సరాల నుంచి 10 సంవత్సరాలలో మెచ్యూర్ అయ్యే ఫిక్స్‌డ్ డిపాజిట్లపై, సీనియర్ సిటిజన్‌లు 6.50% వడ్డీ రేటును ఇవ్వనున్నారు.