Axis, ICICI: ఫిక్స్‌డ్ డిపాజిట్ దారులకు శుభవార్త చెప్పిన యాక్సిస్, ఐసీఐసీఐ బ్యాంకులు..

యాక్సిస్, ఐసీఐసీఐ బ్యాంకులు ఫిక్స్‌డ్ డిపాజిట్ దారులకు శుభవార్త చెప్పాయి. ఈ రెండు బ్యాంకులు ఫిక్స్‌డ్ డిపాజిట్లపై వడ్డీ రేట్లను పెంచాయి. యాక్సిస్ బ్యాంక్ రూ.2 కోట్ల కంటే తక్కువ విలువైన ఫిక్స్‌డ్ డిపాజిట్లపై మరోసారి వడ్డీ రేట్లను పెంచింది. నవంబర్ 5, 2022న 46 రోజుల నుంచి 10 సంవత్సరాల వరకు మెచ్యూరిటీ ఉన్న డిపాజిట్లపై వడ్డీ రేట్లను బ్యాంక్ ఇప్పటికే 115 bps వరకు పెంచింది. తాజాగా వివిధ రకాల కాల వ్యవధుల డిపాజిట్లపై 20 bps వరకు పెంచింది.

30 బేసిస్ పాయింట్లు

ICICI బ్యాంక్ కూడా FDలపై 30 బేసిస్ పాయింట్లను పెంచింది. రూ. 2 కోట్ కంటే తక్కువ ఉన్న ఫిక్స్‌డ్ డిపాజిట్లపై వడ్డీ రేట్లు పెంచింది. కొత్త వడ్డీ రేట్లు నవంబర్ 16 నుంచి బ్యాంక్ అమలులోకి వచ్చాయి. 7 రోజుల నుంచి 10 సంవత్సరాల వరకు వివిధ కాల వ్యవధి కలిగిన FDలపై బ్యాంక్ 6.60 శాతం వడ్డీని అందిస్తోంది. ఇంతకుముందు, ఐసిఐసిఐ బ్యాంక్ అక్టోబర్ 29 న వడ్డీ రేటును 50 బేసిస్ పాయింట్లు పెంచింది.

6.40%కి పెంపు

ప్రస్తుత మార్పు తర్వాత, ICICI బ్యాంక్ 15 నుంచి 18 నెలల FDలపై వడ్డీని 6.10 శాతం నుంచి 6.40 శాతానికి పెంచింది. 18 నెలల నుంచి 24 నెలల ఎఫ్‌డీలపై కేవలం 6.40 శాతం వడ్డీ మాత్రమే లభిస్తుంది. అంతకుముందు ఇది 6.15 శాతంగా ఉంది. యాక్సిస్ బ్యాంక్ 7 రోజుల నుంచి 45 రోజుల వరకు మెచ్యూర్ అయ్యే FDలపై బ్యాంక్ 3.50% వడ్డీ రేటును అందిస్తుంది. 15 నెలల నుండి 18 నెలల వరకు మెచ్యూర్ అయ్యే ఎఫ్‌డిలపై, బ్యాంక్ వడ్డీ రేటును 15 బేసిస్ పాయింట్లు 6.25% నుంచి 6.40%కి పెంచింది.

సీనియర్ సిటిజన్

ఆరు నెలల నుండి 10 సంవత్సరాల వరకు మెచ్యూరిటీ ఉన్న డిపాజిట్లపై, యాక్సిస్ బ్యాంక్ సీనియర్ సిటిజన్‌లకు అదనపు వడ్డీ రేటు ప్రోత్సాహకాలను అందిస్తుంది. వివిధ అవధి స్లాబ్‌లో మెచ్యూర్ అయ్యే డిపాజిట్లపై, యాక్సిస్ బ్యాంక్ ఇప్పుడు సీనియర్ సిటిజన్‌లకు 5.50% నుంచి 7.25% వడ్డీ రేటు అందిస్తోంది. 18 నెలల నుంచి 10 సంవత్సరాలలో మెచ్యూర్ అయ్యే డిపాజిట్లు ఇప్పుడు యాక్సిస్ బ్యాంక్‌లో సీనియర్ సిటిజన్‌లకు గరిష్టంగా 7.25% వడ్డీ రేటును ఇస్తోంది.