బ్యాన్ ఎఐ టూల్స్ : ఉద్యోగులకు ఆర్థిక మంత్రిత్వ శాఖ సలహా.. డేటా ప్రమాదాలపై అలర్ట్..

గత కొద్దిరోజులుగా సోషల్ మీడియాలో DeepSeek గురించి చర్చలు జరుగుతున్నాయి. ఈ తరుణంలో అధికారిక పనుల కోసం ChatGPT, DeepSeek వంటి కృత్రిమ మేధస్సు (AI) టూల్స్ ఉపయోగించవద్దని కేంద్ర ఆర్థిక మంత్రిత్వ శాఖ తన ఉద్యోగులను కోరింది. తాజాగా జారీ చేసిన సలహా ప్రకారం, ఈ టూల్స్ గోప్యమైన ప్రభుత్వ డేటా, సమాచారానికి ప్రమాదం కలిగిస్తాయని హెచ్చరించింది.

"ఆఫీస్ కంప్యూటర్లు ఇంకా డివైజెస్లో AI టూల్స్ ఇంకా AI యాప్స్ (ChatGPT, DeepSeek మొదలైనవి) ప్రభుత్వ డేటా అలాగే డాకుమెంట్స్ గోప్యతకు ప్రమాదాలను కలిగిస్తాయని కనుగొంది" అని ఆర్థిక మంత్రిత్వ శాఖ సలహా ఇచ్చింది. డీప్‌సీక్ వంటి AI టూల్స్ సంబంధించిన గోప్యతా సమస్యలను భారతీయ సర్వర్‌లలో ఓపెన్ సోర్స్ మోడల్‌లను హోస్ట్ చేయడం ద్వారా నిర్వహించవచ్చని ఐటీ మంత్రిత్వ శాఖ ఇంతకు ముందు పేర్కొంది.

ప్రపంచవ్యాప్తంగా పోటీ పడేందుకు భారతదేశం దాని సొంత, సురక్షితమైన, నమ్మకమైన AI మోడల్‌ను అభివృద్ధి చేయాలని యోచిస్తోందని కేంద్ర రైల్వేలు అలాగే ఎలక్ట్రానిక్స్ అండ్ ఐటీ మంత్రి అశ్విని వైష్ణవ్ ఇటీవల ప్రకటించారు. ఐటీ మంత్రి ప్రకారం, భారతీయ AI మోడల్ రాబోయే రోజుల్లో ఎథికల్ AI సొల్యూషన్స్ భారతదేశం మరింత నమ్మకమైన సాంకేతిక శక్తి కేంద్రంగా ఎదగడానికి సహాయపడుతుంది అని అన్నారు.

చైనాకు చెందిన AI యాప్ అయిన డీప్‌సీక్ ప్రపంచవ్యాప్తంగా తీవ్ర విమర్శలను ఎదుర్కొంటోంది. డచ్ అధికారులు తాజాగా దాని గోప్యతా విధానాలపై దర్యాప్తు ప్రారంభించారు, ఈ యాప్ యూజర్ల వ్యక్తిగత డేటాను ఎలా నిర్వహిస్తుంది అంటూ ప్రశ్నించారు. అయితే ఇతర దేశాలలో కూడా ఇలాంటి ఆంక్షలు విధించారు.

భారతీయ సర్వర్లు కొత్త చైనీస్ ఆర్టిఫిషియల్ ఇంటెలిజెన్స్ ప్లాట్‌ఫామ్ డీప్‌సీక్‌ను హోస్ట్ చేస్తాయి, అలాగే దాని చుట్టూ ఉన్న గోప్యతా సమస్యలను పరిష్కరిస్తాయి. డీప్‌సీక్ రాకతో వినియోగదారుల భద్రత గురించి ఆందోళనలను పెంచింది ఎందుకంటే ఈ AI మోడల్‌లను చైనీస్ AI కంపెనీ సృష్టించింది. డీప్‌సీక్ మా OpenAI APIలను కాపీ చేసిందా అని OpenAI అలాగే మైక్రోసాఫ్ట్ దర్యాప్తు చేస్తున్నాయని నివేదించిన నేపథ్యంలో OpenAI ChatGPTకి ప్రత్యామ్నాయంగా డీప్‌సీక్ ప్రచారం చేయబడుతోంది.

ఇదిలా ఉండగా, బుధవారం దేశ రాజధానిలో జరిగిన ఒక కార్యక్రమంలో ఓపెన్ఏఐ సహ వ్యవస్థాపకుడు అండ్ సీఈఓ సామ్ ఆల్ట్‌మాన్ మాట్లాడుతూ, భారతదేశం AIకి చాలా ముఖ్యమైన మార్కెట్ ఇంకా ప్రపంచవ్యాప్తంగా కంపెనీకి రెండవ అతిపెద్ద మార్కెట్ కూడా అని అన్నారు. "భారతదేశం AIకి చాలా ముఖ్యమైన మార్కెట్. ఇది మా రెండవ అతిపెద్ద మార్కెట్. AI మోడల్స్ ఇప్పటికీ చౌకవి కాదు, కానీ సాధ్యమే. భారతదేశం ఇందులో లిడార్ గా ఉండాలి" అని ఆల్ట్మాన్ పేర్కొన్నారు.