Multibagger Stock: నష్టాల మార్కెట్లోనూ లాభాల పంట.. లక్షను.. రూ. 4 లక్షలుగా మార్చిన మల్టీబ్యాగర్..
Multibagger Stock: పెట్టుబడికి సరైన స్టాక్ ఎంచుకోవటం చాలా ముఖ్యం. ఎందుకంటే అవి మనం అనుకున్న రాబడిని అందించగలవా, మార్కెట్ పరిస్థితులు అందుకు అనుకూలంగా ఉన్నాయా వంటి అనేక అంశాలను కూడా ఇందులో పరిగణలోకి తీసుకోవాలి. ఇదే సమయంలో ఫండమెంటల్స్ బాగున్న కొన్ని కంపెనీలను సెలెక్ట్ చేసుకోవటం కూడా చాలా అవసరం. అవి అనతి కాలంలోనే మల్టీబ్యాగర్లుగా మారి మంచి రిటర్న్స్ అందిస్తాయి. ఆ కోవకు చెందినదే జమ్నా ఆటో స్టాక్ కూడా.
జమ్నా ఆటో(Jamna Auto) రెండేళ్లలో రూ.29 నుంచి రూ.122కి పెరిగి.. 302 శాతం రాబడిని అందించింది. పైగా ఈ స్టాక్ నిన్న తన 52 వారాల గరిష్ఠాన్ని తాకింది. రెండు సంవత్సరాల కాలంలో లక్ష రూపాయల పెట్టుబడిని ఏకంగా రూ. 4 లక్షలకు పైగా రాబడిని అందించింది.
కంపెనీ వ్యాపారం
జమ్నా ఆటో ఇండస్ట్రీస్ లిమిటెడ్ వాణిజ్య వాహనాల కోసం సస్పెన్షన్ తయారు చేస్తుంది. భారతదేశంలో పారాబొలిక్ స్ప్రింగ్లను కంపెనీ పరిచయం చేయడంలో కీలక పాత్ర పోషించింది. దీని ఉత్పత్తి పోర్ట్ఫోలియోలో దేశంలోని వాణిజ్య వాహన పరిశ్రమకు సేవలందించే పూర్తి స్థాయి సస్పెన్షన్ సొల్యూషన్లను కలిగి ఉంది.
ప్రపంచ స్థాయిలో కంపెనీ ఇలా..
ఆటోమొబైల్ సస్పెన్షన్ సొల్యూషన్స్లో గ్లోబల్ లీడర్గా ఎదగాలని కంపెనీ లక్ష్యంగా పెట్టుకుంది. TBL ఎక్స్ట్రాలైట్ స్ప్రింగ్ టెక్నాలజీ, స్పెషల్ స్టీల్ టెక్నాలజీని కంపెనీకి బదిలీ చేయడానికి UKలోని టిన్స్లీ బ్రిడ్జ్ లిమిటెడ్తో టెక్నాలజీ కంపెనీతో ఒక ఒప్పందాన్ని కుదుర్చుకుంది.
లాభాల్లో మేటిగా రాణిస్తూ..
కంపెనీ క్యూ4లో పటిష్టమైన పనితీరును కూడా నమోదు చేసింది. నికర అమ్మకాలు రూ. 621 కోట్లుగా ఉన్నాయి. క్వార్టర్లీ ప్రాతిపధికన 40 శాతం, ఏడాది ప్రాతిపధికన 28 శాతం అమ్మకాలు పెరిగాయి. కంపెనీ టాక్స్ చెల్లింపుల తరువాత రూ.57 కోట్ల లాభాన్ని నమోదు చేసింది.
బలహీనమైన మార్కెట్లోనూ కంపెనీ దూసుకుపోతోంది. ఈరోజు రూ.122.25 వద్ద ట్రేడ్ అవుతోంది. షేర్ నిన్న తన 52 వారాల గరిష్ఠమైన రూ. 126.25ను తాకగా.. దీని 52 వారాల కనిష్ఠ ధర రూ.78.60 గా ఉంది.
గమనిక: పైన అందించిన సమాచారం కేవలం అవగాహన కోసం మాత్రమే. వీటి ఆధారంగా ఎలాంటి పెట్టుబడి నిర్ణయాలు తీసుకోకండి. పెట్టుబడులు చేసే ముందు మీ ఆర్థిక సలహాదారును సంప్రదించండి.