ట్రాక్టర్ సేల్స్ అదుర్స్: మహీంద్రా 56% జంప్, ఎస్కార్ట్ ఎగుమతులు 33% అప్

నవంబర్ నెలలో ట్రాక్టర్ సేల్స్ పెరిగాయి. కరోనా నేపథ్యంలో అన్-లాక్ తర్వాత వివిధ రంగాల్లో వృద్ధి రేటు మైనస్‌లలో లేదా తక్కువగా ఉంది. కానీ వ్యవసాయ వృద్ధి మాత్రం ఆశాజనకంగా ఉంది. ఫామ్ ఎక్విప్‌మెంట్ మ్యానుఫ్యాక్చరర్ ఎస్కార్ట్ అగ్రి మిషనరీ సేల్స్ పెరిగాయి. ఎస్కార్ట్ ట్రాక్టర్లు 2019 నవంబర్ నెలలో 7,642 యూనిట్లు కాగా, ఈ నవంబర్‌లో 33 శాతం పెరిగి 10,165గా నమోదయ్యాయి. సేల్స్ పెరగడంతో డీలర్స్, డిపోలో స్టాక్స్ క్షీణించాయి. రానున్న నెలల్లోను సేల్స్ పెరుగుతాయని భావిస్తున్నారు.

ఎస్కార్ట్, మహీంద్రా సేల్స్

2019 వంబర్ నెలలో ఎస్కార్ట్ ట్రాక్టర్ సేల్స్ డొమెస్టిక్ 7,379, ఎగుమతులు 263 కాగా, ఈ ఏడాది నవంబర్ నెలలో డొమెస్టిక్ 9,662 యూనిట్లు, ఎగుమతులు 503కు పెరిగాయి. మహీంద్రా అండ్ మహీంద్రా ట్రాక్టర్ సేల్స్ 56 శాతం ఎగిశాయి. గత ఏడాది నవంబర్ నెలలో మహీంద్రా ట్రాక్టర్ సేల్స్ 21,031 కాగా, ఈ నవంబర్ నెలలో ఏకంగా 32,726కు పెరిగాయి. డొమెస్టిక్ సేల్స్ గత ఏడాది 20,414 కాగా, ఈ నవంబర్ నెలలో 31,619కి పెరిగాయి. ఎగుమతులు 1,107 యూనిట్లుగా నమోదయ్యాయి.

అశోక్ లేలాండ్ సేల్స్

అశోక్ లేలాండ్ సేల్స్ ఏడాది ప్రాతిపదికన 5 శాతం పెరిగాయి. మీడియం, హెవీ కమర్షియల్ వెహికిల్ సేల్స్ మాత్రం 14 శాతం పెరిగాయి. మీడియం అండ్ హెవీ కమర్షియల్ వెహికిల్ సేల్స్ గత ఏడాది నవంబర్ నెలలో 5,966 యూనిట్లు కాగా, ఈ నవంబర్ నెలలో 5,114కు పడిపోయాయి. 14 శాతం క్షీణించాయి. లైట్ కమర్షియల్ వెహికిల్ సేల్ 4,209 యూనిట్ల నుండి 32 శాతం పెరిగి 5545 యూనిట్లకు పెరిగాయి. మొత్తంగా సేల్స్ 10,175 (2019) నుండి 5 శాతం పెరిగి 10659కు పెరిగాయి.

మహీంద్రా సేల్స్...

మహీంద్రా అండ్ మహీంద్రా పాసింజర్ వెహికిల్ సేల్స్ 2019 నవంబర్ నెలలో 14637 కాగా, 24 శాతం పెరిగి 18212 యూనిట్లకు పెరిగాయి. కమర్షియల్ వెహికిల్ సేల్స్ 42 శాతం తగ్గి 6593 నుండి 3854 యూనిట్లకు క్షీణించాయి. మహీంద్రా అండ్ మహీంద్రా ఎగుమతులు 2019లో 2621 యూనిట్లు కాగా, 38 శాత తగ్గి 2020 నవంబర్ నెలలో 1636 యూనిట్లకు పరిమితమయ్యాయి. ఫామ్ ఎక్విప్‌మెంట్స్ గత ఏడాది 21031 యూనిట్లు కాగా, 56 శాతం పెరిగి 32726 యూనిట్లకు పెరిగాయి.