కోవాక్స్ హక్కులు అరబిందో ఫార్మా చేతికి

అమెరికాకు చెందిన కోవాక్స్ కంపెనీకి చెందిన కోవిడ్ 19 వ్యాక్సీన్ భారత హక్కులను అరబిందో ఫార్మా కొనుగోలు చేసింది. ఈ మేరకు అరబిందో గురువారం ఓ ప్రకటనలో తెలిపింది. లైసెన్సింగ్ ఒప్పందం ప్రకారం భారత్‌కే కాకుండా యూనిసెఫ్‌కు కూడా ఈ వ్యాక్సీన్‌ను విక్రయించనున్నట్లు తెలిపింది. లైసెన్సింగ్ ఒప్పందం ప్రకారం భారత్‌తో పాటు యూనిసెఫ్‌కు కూడా విక్రయించనుంది.

ప్రస్తుతం ఈ వ్యాక్సీన్ మొదటి దశ ప్రయోగాల్లో ఉంది. 2021 ప్రారంభానికల్లా తదుపరి దశలను ఆసియా, లాటిన్ అమెరికా, అమెరికాలో ప్రారంభించేందుకు కోవాక్స్ సంస్థ సిద్ధమైంది. ఈ వ్యాక్సీన్‌ను నిల్వ చేసేందుకు సాధారణ రిఫ్రిజిరేటర్ ఉష్ణోగ్రత సరిపోతుందని కోవాక్స్ స్పష్టం చేసింది. 2021 జూన్ వరక్ 480 మిలియన్ల కోవాక్స్ వ్యాక్సీన్లను ఉత్పత్తి చేస్తామని అరబిందో ఫార్మా వెల్లడించింది. కోవిడ్ వ్యాక్సీన్ హక్కులు తీసుకున్న నేపథ్యంలో అరబిందో ఫార్మా స్టాక్స్ నేడు 2.36 శాతం ఎగిసి రూ.910కి చేరుకున్నాయి.

వచ్చే వారంలో భారత్‌లో ఆక్స్‌ఫర్డ్, అస్ట్రాజెనికా వ్యాక్సీన్‌ను అత్యవసర వినియోగానికి అనుమతించే అవకాశాలు ఉన్నాయి. ఫైజర్ కోవిడ్ వ్యాక్సీన్, భారత్ బయోటిక్ కూడా దరఖాస్తు చేసుకున్నాయి.