ఇలాంటి స్కిం ఉందని సగం మందికి తెలీదు.. జస్ట్ రూ.210 కడితే 5వేల పెన్షన్.. ఎలా అంటే?

మీకు పర్మనెంట్ ఉద్యోగం లేదా.. రిటైర్మెంట్ పెన్షన్ రాదా... అయితే టెన్షన్ పడాల్సిన అవసరం లేదు. ఎందుకంటే కేంద్ర ప్రభుత్వం అటల్ పెన్షన్ యోజన పథకం కింద మీకు 60 ఏళ్ళ వయస్సు తర్వాత నెలకు కేవలం రూ.210 కట్టడం ద్వారా రూ.5000 పెన్షన్ పొందవచ్చు. 2023-24 సంవత్సరంలోనే ఈ పథకం కింద 1.22 కోట్ల కొత్త అకౌంట్స్ ఓపెన్ చేసుకున్నారు.

ఈ పథకంలో అకౌంట్ తెరవడం ద్వారా మీరు 60 సంవత్సరాల వయస్సు తర్వాత ప్రతి నెలా రూ. 1000 నుండి రూ. 5000 వరకు పెన్షన్ లభిస్తుంది. భార్యాభర్తలిద్దరూ ఈ పథకంలో చేరితే నెలకు రూ. 10,000 పెన్షన్ కూడా అందుతుంది. కేంద్ర ప్రభుత్వ అటల్ పెన్షన్ పథకం కింద మీరు నెలకు జస్ట్ రూ. 210 కట్టడం ద్వారా ప్రతినెల రూ. 5000 పెన్షన్ పొందవచ్చు. మీ సహకారంతో పాటు ప్రభుత్వం అటల్ పెన్షన్ ఖాతాలకు కూడా కొంత సహకారాన్ని అందిస్తుంది. అంటే, నెలకు కేవలం రూ. 210 చెల్లించడం ద్వారా మీరు 60 సంవత్సరాల వయస్సు తర్వాత రూ. 8.5 లక్షల వరకు పొందవచ్చు.

అటల్ పెన్షన్ పథకం అంటే ఏమిటి: మీ వృద్ధాప్యంలో మీరు ఎవరిపైనా ఆధారపడాల్సిన అవసరం లేకుండా కేంద్ర ప్రభుత్వం 2015 సంవత్సరంలో ఈ పెన్షన్ పథకాన్ని ప్రారంభించింది. అప్పటి ఆర్థిక మంత్రి అరుణ్ జైట్లీ బడ్జెట్ ప్రసంగంలో దీనిని ప్రకటించారు. ఇంకా ప్రధానమంత్రి నరేంద్ర మోడీ 9 మే 2015న కోల్‌కతా నుండి ప్రారంభించారు.

ఈ పథకం ముఖ్య లక్ష్యం అసంఘటిత రంగంలో పనిచేస్తున్న ప్రజల భవిష్యత్తుకు హామీ ఇవ్వడం. ఆదాయపు పన్ను పరిధిలోకి రాని వారు ఈ పథకాన్ని సద్వినియోగం చేసుకోవచ్చు. ఈ పథకంలో ప్రభుత్వం ప్రతి నెలా చాలా తక్కువ మొత్తాన్ని జమ చేయడం ద్వారా, 60 సంవత్సరాల వయస్సు తర్వాత మీరు రూ. 1000, 2000, 3000, 4000 లేదా 5000 పెన్షన్ పొందవచ్చని నిబంధన విధించింది.

అటల్ పెన్షన్ యోజన వల్ల కలిగే ప్రయోజనాలు ఏంటి : అటల్ పెన్షన్ యోజన కింద, 60 సంవత్సరాల వయస్సు తర్వాత కూడా మరే ఇతర పెన్షన్ పథకం ప్రయోజనం పొందని వ్యక్తులు ప్రతి నెలా పెన్షన్ పొందవచ్చు. ముఖ్యంగా ఆదాయం పన్ను పరిధిలోకి రాని వారు ఈ పథకం ప్రయోజనాన్ని పొందవచ్చు.

అటల్ పెన్షన్ యోజన (APY) ని ఎవరు పొందవచ్చు : APY దేశవ్యాప్తంగా ఉన్న అందరికి వర్తిస్తుంది, కానీ ఇందులో చేరడానికి కొన్ని రూల్స్ ఉన్నాయి. ఈ పథకం ఆర్థిక పరిస్థితి అంతగా లేని వారి కోసం. 1 అక్టోబర్ 2022 నుండి ఆదాయపు పన్ను పరిధిలోకి రాని భారతీయ పౌరులు ఎవరైనా ఈ పథకంలో చేరవచ్చు. అలాగే మీ వయస్సు 18 నుండి 40 సంవత్సరాల మధ్య ఉండాలి.

అటల్ పెన్షన్ యోజనలో ఎంత డబ్బు జమ చేయాలి: అటల్ పెన్షన్ యోజనలో ఎంత డబ్బు జమ చేయాలో మీ వయస్సు మీద ఆధారపడి ఉంటుంది. మీరు ఎంత చిన్న వయస్సులో ప్రారంభిస్తే, మీరు చెల్లించాల్సిన ప్రీమియం అంత తక్కువగా ఉంటుంది.

అప్లయ్ చేసుకునే పద్ధతి
*ముందుగా https://enps.nsdl.com/eNPS/NationalPensionSystem.html వెబ్‌సైట్‌కి వెళ్లండి.
*ఇక్కడ మీరు అటల్ పెన్షన్ యోజన ట్యాబ్‌కి వెళ్లి APY రిజిస్ట్రేషన్‌పై క్లిక్ చేయండి .
*కొత్త రిజిస్ట్రేషన్ ఫామ్‌లో మీ పూర్తి వివరాలను నింపి, కంటిన్యూ పై క్లిక్ చేయండి.
*ఫామ్ నింపి, మీ వివరాలను కంప్లీట్ చేసి, KYC పూర్తి చేయండి
*దీని తరువాత రిసిప్ట్ నంబర్ జనరేట్ అవుతుంది
*60 ఏళ్ల తర్వాత మీకు కావలసిన పెన్షన్ మొత్తాన్ని సెలెక్ట్ చేసుకోండి.
*ఆ తర్వాత నామినీ ఫామ్‌ను నింపాలి.
*ఈ పనులన్నీ చేసిన తర్వాత, మీరు NSDL వెబ్‌సైట్‌లోని eSign ట్యాబ్‌కు వస్తారు.
*ఇక్కడ ఆధార్ OTP వెరిఫికేషన్ తర్వాత, మీరు ఈ పథకంలో చేరతారు.