Market Closing: నాలుగోరోజూ మార్కెట్స్ ఢమాల్.. హ్యాపీగా ఆ ఇన్వెస్టర్స్..!!

Market Down: దేశీయ స్టాక్ మార్కెట్లు వరుసగా నాలుగోరోజు కూడా తమ పతనాన్ని కొనసాగించాయి. ఈ క్రమంలో బెంచ్ మార్క్ సూచీలు నిఫ్టీ, సెన్సెక్స్ మాత్రం బలహీనంగా ముగించాయి.

కేంద్ర ఆర్థిక మంత్రి నిర్మలా సీతారామన్ జూలై 23న సమర్పించిన తర్వాత బ్యాంక్, ఎఫ్‌ఎంసీజీ స్టాక్‌లు నష్టాల పరంపరను కొనసాగించటంతో వరుసగా నాల్గవ ట్రేడింగ్ సెషన్‌లోనూ నష్టాన్ని నమోదు చేశాయి. చాలా మంది నిపుణులు గ్రామీణ వినియోగానికి ప్రాధాన్యతనిస్తూ మొత్తం బడ్జెట్‌ను ప్రోత్సాహకరంగా ఉందని భావిస్తున్నారు. తయారీ, MSMEలకు ప్రోత్సాహం కూడా బాగానే ఉందని వారు భావిస్తున్నారు. దేశంలోని గ్రామీణాభివృద్ధికి ప్రభుత్వం రూ.2.66 లక్షల కోట్లు కేటాయించింది. ఇందులో గ్రామీణ మౌలిక సదుపాయాలపై ఖర్చు కూడా ఉంది.

అయితే రియల్టీ రంగానికి దీర్ఘకాలిక లాభాలపై ఇండెక్సేషన్ బెనిఫిట్ తొలగించటం పెద్ద నష్టాన్ని కలిగించింది. క్యాపిటల్ గెయిన్స్ టాక్స్ రేట్లను పెంచటంపై దేశంలోని మధ్యతరగతి వర్గం ఆగ్రహం వ్యక్తం చేస్తోంది. అయితే ప్రభుత్వం మాత్రం పన్ను కట్టగలిగిన వర్గాన్ని మాత్రమే టార్గెట్ చేశామని, వికసిత్ భారత్ సాధించటానికి ఇది దోహదపడుతుందని చెబుతోంది. అయితే నిన్నటి పతనం తర్వాత రియల్టీ, ఎనర్జీ రంగాలకు చెందిన షేర్లు తిరిగి నేడు కొంత కోలుకున్నాయి. మార్కెట్లో భారీ ఓలటాలిటీ కొనసాగిన వేళ ఇండియా విక్స్ కొంతమేర చల్లారింది.

ఈ క్రమంలో నిఫ్టీలో బజాజ్ ఫిన్‌సర్వ్, బ్రిటానియా ఇండస్ట్రీస్, బజాజ్ ఫైనాన్స్, టాటా కన్స్యూమర్, యాక్సిస్ బ్యాంక్, లాభపడిన వాటిలో హెచ్‌డీఎఫ్‌సీ లైఫ్, టెక్ మహీంద్రా, బీపీసీఎల్, ఎన్‌టీపీసీ, టాటా మోటార్స్ కంపెనీల షేర్లు టాప్ లూజర్లుగా తమ ప్రయాణాన్ని ముగించాయి. అస్థిరత కారణంగా ట్రేండ్ మిశ్రమంగా ఉండటంతో ఎనర్జీ, రియల్టీ, ఫార్మా మంచి లాభాల్లో ప్రయాణాన్ని ముగించగా, ఎఫ్ఎంసీజీ, బ్యాంకింగ్ రంగాల షేర్లు మాత్రం నష్టాన్ని చవిచూశాయని రెలిగేర్ బ్రోకరేజ్ రీసెర్చ్ సీనియర్ వైస్ ప్రెసిడెంట్ అజిత్ మిశ్రా పేర్కొన్నారు. అయితే నిఫ్టీ మిడ్ క్యాప్ సూచీ మాత్రం 588 పాయింట్లు పెరగటంతో వీటిలో ఇన్వెస్ట్ చేసిన పెట్టుబడిదారులు సంతోషంలో ఉన్నారు. ఇదే క్రమంలో స్మాల్ క్యాప్స్ సైతం తమ బుల్ ర్యాలీని కొనసాగించాయి.