బ్యాంకు ఉద్యోగులకు గుడ్‌న్యూస్, లక్షలమంది ఉద్యోగులకు 15 రోజుల అదనపు వేతనం

ప్రభుత్వ ఉద్యోగులకు పనితీరు ఆధారంగా ప్రయోజనం చేకూరనుంది. దాదాపు 2.5 లక్షల మంది ఉద్యోగులకు 15 రోజుల పనితీరు ఆధారిత ఇన్సెంటివ్ లభించనుంది. గత నవంబర్ నెలలో బ్యాంకులు ఉద్యోగుల పనితీరు-అనుసంధాన భాగం కోసం ఇండియన్ బ్యాంక్స్ అసోసియేషన్ (IBA)తో ఒప్పందం కుదుర్చుకున్నాయి. ఈ క్రమంలో ఉద్యోగులకు బ్యాంకు పనితీరు ఆధారంగా ప్రోత్సాహకాలు లభిస్తాయి. ఈ వారం కెనరా బ్యాంకు తన ఉద్యోగులకు ప్రోత్సాహకాలుగా పదిహేను రోజుల చెల్లింపును మంజూరు చేసింది.

ఆర్థిక ఫలితాలను జారీ చేసిన తర్వాత బ్యాంకు ఈ చెల్లింపులు జరిపింది. 2021 ఆర్థిక సంవత్సరంలో కెనరా బ్యాంకుకు నికర లాభం రూ.2,555 కోట్లు. అంతకుముందు ఆర్థిక సంవత్సరంలో రూ.5,838 కోట్ల నష్టం వాటిల్లింది. బ్యాంక్ ఆఫ్ మహారాష్ట్ర ఉద్యోగులకు కూడా ప్రోత్సాహకాలందాయి. బ్యాంక్ ఆఫ్ మహారాష్ట్ర కూడా గత ఆర్థిక సంవత్సరం నాలుగో త్రైమాసికంలో రూ.165 కోట్ల నికర లాభాన్ని నమోదు చేసింది. ఈ బ్యాంకు లాభం 187% పెరిగింది.

ప్రభుత్వ బ్యాంకు కూడా పనితీరు ఆధార ఇన్సెంటివ్స్ అందిస్తోంది. దీంతో ఎస్బీఐకి చెందిన రెండున్నర లక్షల మంది ఉద్యోగులు లాభపడతారు. ఎస్బీఐలో మొత్తం 2.5 లక్షల మంది ఉద్యోగులు ఉన్నారు. ఎస్బీఐ లాభం 82 శాతం పెరుగుతుందని అంచనా.