క్రెడిట్ కార్డ్ వాడుతున్నారా ? ఈ 5 తప్పులు మీ కొంప ముంచుతాయి జాగ్రత్త!

నేటి కాలంలో క్రెడిట్ కార్డులు డబ్బులకు ఒక అల్టర్నేటివ్ గా మారిపోయింది. కొందరికి ఒక కార్డు ఉంటే మరికొందరికి రెండు మూడు కార్డ్లు ఉంటున్నాయి. ఈ కార్డ్స్ మనకి ఎన్నో సౌకర్యాలు అందిస్తున్నప్పటికీ, చాలామంది తెలియకుండా చేసే కొన్ని చిన్న తప్పులు వల్ల నష్టాలు కలిగిస్తాయి. మీ క్రెడిట్ స్కోర్‌ దెబ్బతీసి, ఇంకా భవిష్యత్తులో లోన్ తీసుకోవడానికి కూడా అడ్డంకిగా మారతాయి. క్రెడిట్ కార్డ్ యూజర్లు తరచుగా చేసే 5 తప్పులు ఏంటో తెలుసా...

1. కనీస మొత్తానికే పరిమితం కావడం: చాలామంది క్రెడిట్ కార్డ్ బిల్లు వచ్చినప్పుడు అందులో చూపించిన మొత్తాన్ని మాత్రమే కడుతుంటారు. ఇది చాలా పెద్ద పొరపాటు ఎందుకంటే ఇలా చేయడం వల్ల మీరు పెండింగ్ మొత్తం పై నెలకు 2.5% నుండి 3.5% వరకు వడ్డీ కట్టాల్సి వస్తుంది. అంటే ఏడాదికి దాదాపు 30-40% వరకు వడ్డీ అన్నమాట. ఈ వడ్డీ భారం మిమ్మల్ని ఆర్థికంగా చిన్నాభిన్నం చేస్తుంది. కాబట్టి ఎప్పుడైనా మీ ఫుల్ పెండింగ్ కట్టెల చూసుకోండి.

2. ఏటీఎం నుండి డబ్బు విత్‌డ్రా చేయడం: క్రెడిట్ కార్డుతో ఏటీఎం నుండి డబ్బు తీసుకోని ఉపయోగించడం మంచిది కాదు. చాలామందికి ఈ విషయం తెలియదు. క్రెడిట్ కార్డు ద్వారా డబ్బు విత్‌డ్రా చేస్తే మీరు విత్‌డ్రా చేసిన మొత్తంపై 2.5% నుండి 3% వరకు చార్జెస్ కట్టాల్సి ఉంటుంది. అంతేకాదు డబ్బు తీసుకున్న మొదటి రోజు నుండే వడ్డీ వర్తిస్తుంది. అత్యవసర పరిస్థితుల్లో తప్ప డబ్బుల కోసం డెబిట్ కార్డు లేదా పర్సనల్ లోన్ వంటి ఇతర మార్గాలను ప్రయత్నించండి.

Take a Poll

3. లిమిట్ పూర్తిగా వాడడం: మీ క్రెడిట్ కార్డుకు ఒక లిమిట్ ఉంటుంది. చాలామంది ఈ లిమిట్ పూర్తిగా లేదా దాదాపు పూర్తిగా ఒకేసారి వాడుతుంటారు. దీని వల్ల మీ క్రెడిట్ స్కోర్‌పై ఎఫెక్ట్ పడుతుంది. మీ క్రెడిట్ లిమిట్‌లో మీరు ఎక్కువ శాతం వాడితే ఆర్థికంగా బాధ్యత లేని వ్యక్తిగా బ్యాంకులు పరిగణిస్తాయి. మీ క్రెడిట్ పరిమితిలో కనీసం 30% కంటే తక్కువ ఉపయోగించకుండ ఉండండి.

4. అనవసరమైనవి కొనడం: క్రెడిట్ కార్డు చేతిలో ఉంటే చాలామంది అనవసరమైనవి కొనేస్తూ ఉంటారు. ఆఫర్లు, డిస్కౌంట్లు కనబడగానే కొంటుంటారు. దీనివల్ల మీ ప్రతినెల బిల్లు పెరుగుతుంది, ఆర్థిక భారం ఎక్కువవుతుంది. ఒక బడ్జెట్ వేసుకొని కేవలం అవసరమైన వస్తువులను మాత్రమే క్రెడిట్ కార్డు ద్వారా కొనేల చూసుకోండి.

5. బిల్లు లేటుగా కట్టడం: మీకు క్రెడిట్ కార్డ్ బిల్లు లేటుగా కట్టే అలవాటు ఉంటే మీరు భారీగా పెనాల్టీ కట్టాల్సి వస్తుంది. లెట్ ఫీజులు, ఎక్కువ వడ్డీ రేట్లు, ముఖ్యంగా మీ క్రెడిట్ స్కోర్‌పై తీవ్రమైన ప్రభావాన్ని చూపుతాయి. ఇలాంటి సమస్యలను నివారించడానికి మీ బిల్లు టైంకి కట్టెల ఆటో-పేమెంట్ ఆప్షన్‌ను సెట్ చేసుకోండి లేదా మీ క్యాలెండర్‌లో రిమైండర్‌ సెట్ చేసుకోండి.

మీ క్రెడిట్ కార్డును కొంచెం అలోచించి ఉపయోగించండి. మీరు ఎక్కువగా వాడని కార్డులు ఉంటే వాటిని క్లోజ్ చేయడం మంచిది. ఎందుకంటే కొన్నిసార్లు ఇన్ యాక్టీవ్ కార్డులపై కూడా ఛార్జీలు వర్తించే అవకాశం ఉంది. మీ క్రెడిట్ స్కోర్‌ ఎప్పటికప్పుడు తప్పకుండా చెక్ చేస్తూ ఉండండి అలాగే మీ కార్డు జారీ చేసిన సంస్థ నిబంధనలు, షరతులను పూర్తిగా తెలుసుకోండి.

Disclaimer: This article is strictly for informational purposes only. It is not a solicitation to buy, sell in precious metal products, commodities, securities or other financial instruments. Greynium Information Technologies Pvt Ltd, its subsidiaries, associates and the author of this article do not accept culpability for losses and/or damages arising based on information in this article.